Bakkaahit 5:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Herta Waakhe ittaawe la hooyi buure ka wihi iche dowatti, “Heleenki goorat lasoorriyooche, miig ichoow kamurroon ichoow khara ichoow anto ichoow inkaanyit ichoow saaꞌdo ꞌhelin a muꞌdayyahe.”

Bakkaahit 5:12 ပူးပေါင်းရင်းမြစ်များ

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

1 Timooti 1:17

Toollaka Karnati jirtuu tuumman jiro, jirtuu iumaatane, indo ka liiargine, Waakkhi keleye, jirtuu tuumman a liinkaanyito toro la a lasaaꞌdo. Aamiin.

Bakkaahit 1:6

Toro la karnat ichoow kuhaaniyyohi usu harra leedakhti toro la Waakkhi Aabbahiise ihilo inno kayeele. Us ba lakoolicha, miigtiis la laarga jirtuu tuummamba. Aamiin.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 19:1

Waha ꞌdubicho ka goobi Waakh ka wihi iꞌdi kowdoti ururi ꞌdooꞌdi weyti ittaawee daage, wihi us yidah, “Okkhoow, weyti kikoolinna! Ribnaan ichoow weynaan ichoow miig ati leh!

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”

Bakkaahit 5:13

ꞌDeerka wihi lasoouume serey kajiro ichoow wihi harra sarche kijiro ichoow wihi harra iliche kajiro ichoow wihi beyohi burbuure goya kijiro tuumman la ichohi waha dowti daage, “Waakkheenki komborti antoot kafiddiyo ichoow Heleem ba, a lasaaꞌdo, a liinkaanyito, a laweynaacho, miig ticho a titaahe jirtuu tuummamba.”

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Bakkaahit 5:8

Chuꞌus khaate ka, wahanyeyyohi affarenye lasoouume rubey khabo ichoow ewweenki tomon lamma ichoow affare ba Heleem ortiis ka il guꞌddeen. Kooba la reenkoo ꞌhaab layadeehe chirri geeyo ladowo laguꞌddo ichoow baakhuuli ꞌdahabe uyuuggi lagubo kajiro iche khaba. Uyuugga la weysihi ꞌdooꞌdi Waakhe itoolla.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 7:12

wihi icho yidaaheen, “Aamiin! Saaꞌdo ichoow weynaan ichoow khara ichoow kalaꞌd ichoow inkaanyit ichoow miig ichoow anto Waakkheenki jirtuu tuumman jiro a muꞌdanyahe. Aamiin!”