Bakkaahit 5:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Wihi kasookhuccho an arge a eti komborti antoot kafiddiyo dahantiisti miigeeet ka khadaaboo yuubane amam lammacho chiirane meel teeba hanja lakadagche khabo.

Bakkaahit 5:1 ပူးပေါင်းရင်းမြစ်များ

Bakkaahit 10:2

Herta Waakh la khadaaboo rucchule yuubane furane dahan kakhabta. ꞌDaꞌddabicheki miigeet beytoo buure katoollisse, ꞌdaꞌddabicheki gurro la harrati angagan katoollisse.

Bakkaahit 4:3

Ki intaas fiddiyo la mehe iyoogyahe ya, banayhoo dagahtoo gato miigenye ulhaw ichoow too guuꞌddan. Moosi Waakh iꞌdi daakkoo ulhawe weyti bildiikhuu, komborti antoote kamarsanyahe.

Bakkaahit 4:9

Chirbaaw wahanyeyyoha affarenye lasoouume rubey khabo Waakkhi jirtuu tuumman jiro komborti antoot kafiddiyo saaꞌdaane, inkaanyit tusaane, toro la kalaꞌd ilaabaan,

Bakkaahit 5:13

ꞌDeerka wihi lasoouume serey kajiro ichoow wihi harra sarche kijiro ichoow wihi harra iliche kajiro ichoow wihi beyohi burbuure goya kijiro tuumman la ichohi waha dowti daage, “Waakkheenki komborti antoot kafiddiyo ichoow Heleem ba, a lasaaꞌdo, a liinkaanyito, a laweynaacho, miig ticho a titaahe jirtuu tuummamba.”

Bakkaahit 5:7

Ulla yimiyye, khadaabi dahanti miigeete eti komborti antoot kafiddiyo kakhaate.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 6:16

ꞌDooꞌda la halal ichoow daddaabo kariireene wihi icho iyidaaheen, “Nah kasooreya, fooli eti komborti antoot kafiddiyo ichoow holi Heleem nah kadagcha.

Bakkaahit 8:1

Chirri Heleem hanjati teebannaatteet bukkhiche ka, goobi Waakh ka sahaꞌd nyuusiche riirit ladaage mele.