Bakkaahit 4:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 4:4 ပူးပေါင်းရင်းမြစ်များ

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Bakkaahit 11:16

Ewweenki tomon lamma ichoow affarenye Waakh ortiis ka komborohichoki antoot kafiddiyo la, jilbo il kaguꞌdde Waakh wahte,

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 19:14

Kiyati ittaawenye goobi Waakhe faraꞌddi daddakhan fuusso la ꞌdubiissa raahta. Kiyata la darfohi hahhaaggane daddakhane chaafo laa iche khabta.

Bakkaahit 19:4

Ewweenki tomon lamma ichoow affare ichoow wahanyeyyohi affarenye lasoouume rubey khabo ba jilbo il kaguꞌddeene, Waakkhi komborti antoot kafiddiyo wahteene, wihi icho yidaaheen, “Aamiin! Okkhoow, weyti kikoolinna!”

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 3:18

Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.

Bakkaahit 4:10

ewweenki tomon lamma ichoow affare Waakh ortiis ka jilbo il kaguꞌdda, Waakkhi jirtuu tuumman jiro wahtaan. ꞌDuubassicho komborti antoot orche yassilliine, wihi icho dowtaan,

Bakkaahit 4:6

Wihi addane komborta orche kijiro, a wohoo beytoo buurenye kiyoowe gato miige iyooge warraakhe. Ukkur ka, wihi komborti antoot kamarsan a wahanyeyyohoo affarenye lasoouume rubey khabo sar orche ichoow ꞌdubiche indo buuhaan.

Bakkaahit 5:11

An la yeye, hooyi herti Waakhe ittaaw ka ekkees liiubaaꞌdan daage. Herta Waakhe ittaawe la komborti antoot ichoow wihi lasoouume rubey khabo affare ichoow ewweenki tomon lamma ichoow affare khaarisse.

Bakkaahit 5:14

Wahanyeyyohi affarenye lasoouume rubey khabo la, “Aamiin,” yidaaheene, ewweenki tomon lamma ichoow affare la il guꞌdde Waakh ichoow Heleem ba wahte.

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Bakkaahit 5:8

Chuꞌus khaate ka, wahanyeyyohi affarenye lasoouume rubey khabo ichoow ewweenki tomon lamma ichoow affare ba Heleem ortiis ka il guꞌddeen. Kooba la reenkoo ꞌhaab layadeehe chirri geeyo ladowo laguꞌddo ichoow baakhuuli ꞌdahabe uyuuggi lagubo kajiro iche khaba. Uyuugga la weysihi ꞌdooꞌdi Waakhe itoolla.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.

Bakkaahit 7:11

Herti Waakh tuumman komborti Waakhe antoot ichoow ewweenki tomon lamma ichoow affare ichoow wahanyeyyohi affarenye lasoouume rubey khabo khaaricheene, tolossateen. Komborti Waakhe antoot orche ka il guꞌddeene, Waakh wahteene,

Bakkaahit 7:9

Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.

Bakkaahit 9:7

Gubaalleta faraꞌddi diho liitannabiche iyoogtahe. Matahenyeticho ka wohoo ꞌduubassi ꞌdahab iyooge khabaane, toro la foolassicho fooli enenyete iyoogyahiin.