Bakkaahit 4:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Waha ꞌdubicho ka toro fooltabchotoo afafhi goobi Waakhe furan arge. Hooyi kootte saggi arabi laafuufo iyeedo an daage toro ileeyeede, wihi us iyidah, “Inta saraat amiite, wihi Waakh gooche inkoo waha kuteen sooyateeh a kituso.”

Bakkaahit 4:1 ပူးပေါင်းရင်းမြစ်များ

Mattaayo 3:16

Yeesso uus labaattissiye, chirraas on bicche goya kasoobahe. Chirraas on sereye bakkaahte, ulla Rubeyti Waakhe iꞌdi kutukuurrug u sooyegto sartiis koorrommatti arge.

Marko 1:10

Chirra Yeesso bicche goya kasoobaho, sereyti kharradde Rubeyti Munyee la iꞌdi kutukuurrug u isooyagto arge.

Luuka 3:21

Geedda enenyet tuumman labaattissiyo, Yeesso laka yimiyye labaattissiye. Yeesso Waakh wahtaayi, sereye bakkaahte,

Yoohana 16:13

Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta.

Hilassi Ergaano 10:11

Sereyti bakkaahte arge, wohoo iꞌdi dafarti buurenye il isoosohti arge. Dafarta la laddad affarcho lasookhuccha il liisoowoya.

Hilassi Ergaano 7:56

Wihi us yidah, “Yeya, goobi Waakhe furane Ínam Aadam usuhi Waakh anki dahantiisti miigeet toollo a arga.”

Bakkaahit 1:10

Ibeenki Kamur ka Rubeyti Waakh iwoyte, ꞌdubeey ka hooyoo buurenye iꞌdi arabi laafuufee daage.

Bakkaahit 1:12

An la urgiye, eti ileeyyeedo yowde. Chaꞌan urgiye ka, reemassi taa lakorcho ꞌdahab lakahaaggiche teeba arge.

Bakkaahit 1:19

“Maantaka, wihi at agarte, wihi toolla jiro ichoow wihi sooyateeh chiir.

Bakkaahit 11:12

ꞌDooꞌda lammee ꞌdeerka hooyoo buurenye goobi Waakh ka icho leeyyeedo, “Inta saraat amiita,” idowo daage. Icho la chiiyticho ꞌdeyꞌdoossaayi, mirisoo ka goobi Waakh ikoreen.

Bakkaahit 11:19

ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 22:6

Herta Waakh wihi iche ani itidah, “Yeedassa a wihi lakakhuufo, toro la a wihi rummaat. Kamuri Waakhenye Rubeyti Waakh ꞌdooꞌdi Waákh íyeyyeedo siicho, ani laka a isooerge, ꞌdee wihi toolla yateeh ichoow wihi dowannoha ka sooyateeh, falfayyohiis tusa.”