Bakkaahit 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.

Bakkaahit 3:5 ပူးပေါင်းရင်းမြစ်များ

Mattaayo 10:32

“Eti tuummane ꞌdooꞌd ortiis ka saggi us keey iyahe cheeko, ani laka usu Aabbaheeyki goobi Waakh kijiro ortiis ka saggi us keey iyahe a cheeka.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Luuka 12:8

“Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 19:8

Iche la gaaddi hahhaaggane bibbildiikhto chaafotoo rucchul laka ikhabine, iche gessatti a lasiiche.” Gaadda la wihi fissane ꞌdooꞌdi Waakh yeele itolossa.

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 20:12

Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

Bakkaahit 22:19

Chiꞌ etoo buugga eti Waákh íyeyyeedo chiire yeedassoo kabahche la, Waakh rubeytiis etaas gisiiski gurnaanki geeyi jiro lakaꞌhelo a kakhaata toro ilkerengeetti weene lagan goya gelin a tirta. Wahanyeyyoha tuumman buugga ka a ladowdowe.

Bakkaahit 3:12

Eti tuummane sooricho la minki buurenye Waakkheey ka tirrinki dagaheete kayeela, ulla jirtuu tuumman intaas ma kakaho. Ani la magah Waakkheey ichoow magah ilkerengeetti weene Waakkhaaya usu kachiira. Ilkerengeettaas la a ilkerengeetti weene Yeerusaleeme husube Waakkheey goobiis kasooyagcho. Toro la magaheeyki husub laka usu kachiira.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.