Bakkaahit 3:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Bakkaahit 3:4 ပူးပေါင်းရင်းမြစ်များ

Mattaayo 10:11

“Ilkerengeetbaaw atin geesseen ommos goobbaaw atin gesseen ka, etoo lakakhuufo yowda, minkiissa on fiddiya ichoowka intaas kabaha.

Marko 16:5

Chiꞌicho goꞌd geleen ka, eti nugule anki miigeet fiddiyo darfohi daddakhan khabo argeene, naheen.

Luuka 20:35

Iꞌdaasenyi ꞌdooꞌdi Waakh ꞌdooꞌdi fiffissan iekkaacho omoot lakasookahcho goobi Waakh furti, min ma disti ommos mindischo ka ma ladiibo.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

2 'Dessaloonika 1:5

Waha la mehe tusaan ya, Waakh saggi imasse enenyet ihukkuma, ꞌdee ꞌdooꞌdi dakhi Waakh muꞌdan atin liiekkaacha. Atin la jeenteti Waakh atin idakhti iche chiiytiin sina atin iomhissa.

Yuuda 1:23

ꞌDooꞌdi addan la ꞌdab goya kasootogda, riba. Gaasoo la nahtinti roorroti Waakh khabto tusda, iꞌdaasenyi atin laka ubbaarretichoti derdeere ildeerroti suujenye icho yeelaan ka labiꞌdirrooche ꞌdiiꞌda.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Bakkaahit 19:14

Kiyati ittaawenye goobi Waakhe faraꞌddi daddakhan fuusso la ꞌdubiissa raahta. Kiyata la darfohi hahhaaggane daddakhane chaafo laa iche khabta.

Bakkaahit 19:8

Iche la gaaddi hahhaaggane bibbildiikhto chaafotoo rucchul laka ikhabine, iche gessatti a lasiiche.” Gaadda la wihi fissane ꞌdooꞌdi Waakh yeele itolossa.

Bakkaahit 3:18

Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.

Bakkaahit 3:5

Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.

Bakkaahit 7:9

Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.