Bakkaahit 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.

Bakkaahit 3:3 ပူးပေါင်းရင်းမြစ်များ

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Marko 13:33

Taba isyaakhicha! Toorribda! Ibeenki sahaꞌddaas tateeh ma garattaanee.

Marko 13:36

Chuꞌus dog laan yamiit, uus atinhi uꞌdurtaan atin ꞌhelin.

1 'Dessaloonika 5:2

Iꞌdi tahe atin rubeytiin tuum saggi Kamur sahaꞌddi liikamurin iyamiit a garattaan, iꞌdi eti walah ibeen hatuu.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

Ibiraaniya 2:1

Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

2 Beetero 1:13

Ani ka kootte wihi mujjume, a anihi geeddi uliba an noolahe waha atin kasooꞌheꞌhhelcho.

2 Beetero 3:1

Aalasseeyki an weyti ꞌdoono, waha toolla a khadaabeeyki lammaatteete an atin isoochiire. Khadaabbe lammache ka wihi atin ꞌhor abatteene atin kasooꞌhelcha, ꞌdee mali haaggan khabtaan.

2 Beetero 3:10

Iꞌdaasenyi ibeenki Kamur iꞌdi eti walah hato iyamiit. Maantaas la sereyta daayan saggi uskule iyeedda, baabaata. Wahanyeyyohi sereyta kajiro tuumman la a gubtaane bar waayaan. Toro la harra ichoow wihi harra kajiro tuumman laka a laguba.

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

Bakkaahit 2:25

Iꞌdaasenyi wihi atin khucchissaan kalday jurkhicha ichoowka a soonokhdi.

Bakkaahit 2:5

Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”

Bakkaahit 3:11

An dowwa soonokhda. Wihi atin khabtaan jurkhicha, uus etoo kalday laka ꞌduubiinki kalaꞌdeet atin kakhaatine.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.

Bakkaahit 3:2

Omoot kasookaha! Geedda marahe atin kasooꞌhadde sootamuut miigoocha. Iꞌdi tahe wihi an arge, Waakkheey ortiis ka wihi atin yeesseen ma buuhaan.