Bakkaahit 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Omoot kasookaha! Geedda marahe atin kasooꞌhadde sootamuut miigoocha. Iꞌdi tahe wihi an arge, Waakkheey ortiis ka wihi atin yeesseen ma buuhaan.

Bakkaahit 3:2 ပူးပေါင်းရင်းမြစ်များ

Mattaayo 23:5

“Wihi iche yeesso tuumman a yeessa, ꞌdee enenyet arga. Saabohi balballaaddane miinan ichoow keymo kahiitaan. Saabassaas la Chiirnaanneti Waakhe goya kakhabaan.

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Mattaayo 25:7

“Albe ꞌdeerka kahe, tooba taahiche sookorisse.

Hilassi Ergaano 18:23

Inkoo us geeddoo intaas fiddiye ka, irte ili Galaatiya ichoow ki Furiijiya tabe abatti faajjiye.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

Bakkaahit 2:4

Iꞌdaasenyi waha a atin kakhaba, saggi atin uumaccho ka ani iꞌdoontaan kola ma iꞌdoontaan.

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.

Bakkaahit 3:3

Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.