Bakkaahit 3:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Atin, ‘Nah a kamurre, hoolahi buurenye khabna, walah nah kaankhan mele!’ elattaan. Iꞌdaasenyi atin waha ma kasin, atin rumanka a marahtahiine, a ꞌdooꞌdi liisonaho, a miskiine, a ꞌdooꞌdi indo laa, a murukh.

Bakkaahit 3:17 ပူးပေါင်းရင်းမြစ်များ

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

Mattaayo 9:12

Yeesso la wihi icho essaan daage, wihi us ilaabe, “ꞌDooꞌdi ilkitárri yowti ki feffeyyan menye a ki khakkhannan.

Luuka 1:53

ꞌDooꞌdi raarahte wihi hahhaaggan ka dargiche, iꞌdaasenyi kamurre dahano marah rihe.

Luuka 6:24

“Iꞌdaasenyi atinhi toolla kamurree sinati atin sugto eenna a buure! Iꞌdi tahe haaggi harrata orey on uur atin khobooche.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 7:24

Wooy! Mal a ibuuhiche! Ayyo sarta omoot igeesso ikasoofura?

2 Beetero 1:9

Iꞌdaasenyi eti wahanyeyyohaas laa a iꞌdi eti walah igaranne indo laaye, saggi uskeeliiski oraat liidikhe dabe.

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

Bakkaahit 2:9

Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.

Bakkaahit 3:16

Maantaka atin a tangiigo, kuleel menye khobo la mee gone, afeey ka a atin sootufa.