Bakkaahit 3:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ “Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.

Bakkaahit 3:14 ပူးပေါင်းရင်းမြစ်များ

Yoohana 1:3

Waakh usu ka, walah tuumman a soouume. Walah lasoouume laantiis lasoouume mala.

Yoohana 8:14

Yeesso wihi us ilaabe, “Chirri an awteey kaayyeedo laka, wihi an eldi a rum. Iꞌdi tahe inti an kiimiy a garda, toro la inti an isohdi a garda. Iꞌdaasenyi atin inti an kiimiy ma garattaane, ommos inti an isohdi ma garattaan.

2 Koriinto 1:20

A mehe Waakh ayyinti tuummane us ayyiche, Kiriisto ka a buuhiche. Maantaka kol dakkhan chiꞌinno Waakh koolinno Yeesso Kiriisto ka, “Aamiin,” iche nadeeh.

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

Kolossaay 1:18

Toro la usu matakki sartiisenye, sartiis la a ururiissa. Us a uumaccho ichoow eti oraate ꞌdooꞌdi tuume goyaka omoot kasookahe. Iꞌda ka usu on walah tuumman iween.

Kolossaay 2:1

Atinhi saggi an iroonotiin ichoow iroonoti urur Kiriistoki ilkerengeetti Lawodeechiya yaal ichoow iroonoti ꞌdooꞌdi Kiriisto kakhuufo tuummane ani fooleey igaran u, an hol idowe atin icheeko iche ꞌdoona.

Kolossaay 4:16

Chirri khadaaba atin liisoosoome lamassiche, urur Kiriistoki ilkerengeetti Lawodeechiya laka ikuccha, a liisoomo. Atin la khadaabi an icho ierge, a atin liisoosoomo.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 2:1

“Herti Waakhe keleyenye urur Kiriistoki Efeesso itolosso waha ichiir. Waha a farniinki ki bakkaalleti teebee dahantiisti miigeet kakhuccho toro la reemassi teebeenye ꞌdahabe taa lakorcho dahticho kaassohti.

Bakkaahit 21:6

Ulla wihi us ani iyidah, “Walah dakkhan a layeele! Ani Uumaccheenye toro ani on ꞌDaꞌddabee. An walah tuumman orcho a jire, walah tuumman ꞌdubicho laka a jira. Eti subgaate, an iꞌdaanu bicchehi issi jiro kayamiit siicha.

Bakkaahit 22:13

Ani Uumaccheenye toro ꞌDaꞌddabee, ani Oreyenye toro la Salaahime, an walah tuumman orcho a jire, toro walah tuumman ꞌdubicho a jira.”

Bakkaahit 22:6

Herta Waakh wihi iche ani itidah, “Yeedassa a wihi lakakhuufo, toro la a wihi rummaat. Kamuri Waakhenye Rubeyti Waakh ꞌdooꞌdi Waákh íyeyyeedo siicho, ani laka a isooerge, ꞌdee wihi toolla yateeh ichoow wihi dowannoha ka sooyateeh, falfayyohiis tusa.”

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.