Bakkaahit 3:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Bakkaahit 3:10 ပူးပေါင်းရင်းမြစ်များ

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Mattaayo 26:41

“Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Marko 14:9

Rume atin icheeka, meelbaaw Wori Haaggan harra tuumman ka lacheeko ka, wihi iche yeesse laka a lacheeka, iche la lakasooꞌhela.”

Luuka 2:1

Goorat maantaas Kaaysarhi Agaasta layadeeh amuri ꞌdooꞌdi ili Rooma tuummane us anti lakeekkaacho iche bahche.

Yoohana 17:6

“ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Rooma 1:8

Wihi an kasoodaabdi, Waakkhaaya Yeesso Kiriisto ka kalaꞌd ilaaba jeentetiin u. Wihi tahe, saggi atin Yeesso Kiriisto ikakhuuftaan, ꞌdooꞌdi harra kajiro tuumman a cheeka.

1 Koriinto 10:13

Kajmeti uskeel atin kaluguꞌddo a ti weeli enenyet tuumman lakakajo on. Waakh la a lakakhuufa gone, us kajmeti atin lakajo geeddi atin ituddubin ꞌdirihiche a atin kajeycha. Iꞌdaasenyi chirra atin lakajo, us toro jiti atin kajmetaas kabahsattaan a atin iyeela, ꞌdee kajmetaas ka garrahsan tuddubtaan.

Efeesso 6:13

Maantaka gaaddi diho Waakh atin siiche tuumman gessada, ꞌdee maanti suujoon atin isoobaho ka jeyin tudduba. Toro la inkoo atin wahanyeyyoha yeesseen mujjum jeyin a tabuuꞌdiin.

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Yaakoobo 3:12

ꞌDooꞌd Kiriistokaaw, dahar maanta medeer a dela? Ommos geeyi hayay bejelo a dela? Mele! Issi bicche hadaade, bicchehi haaggan ma soobihisso.

1 Beetero 4:12

Aalasseeyki an weyti ꞌdoono, sinayyohi ꞌdabenye atin yahame atin kajo akagirmeysanna iꞌdoo wohoo girmee atin kayitaaheen u.

2 Beetero 2:9

Kamur ꞌdeerka saggi us ꞌdooꞌdi aytiis raaho sinayyohi kajo ikasoobahcho a garta. Toro la ꞌdooꞌdi uskeel yeelo saggi us sina iomhicho ichoowka ibeenki us ꞌdooꞌd hukkumo yateeh laka a garta.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 11:10

Weeli enenyete harra kijiro tuumman la omootti ꞌdooꞌda lammee weyti kahamaada, siimohi icho isiergaan ka sukuuku bahchaan. Iꞌdi tahe ꞌdooꞌda lammeenye Waákh íyeyyeedo ꞌdooꞌdi harra kijiro tuumman weyti bolokh ikeene.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.

Bakkaahit 14:6

ꞌDeerka hertoo Waakhe addane serey katariꞌd arge. Iche la Wori Haaggane jirtuu imassanne khabte, ꞌdee weeli enenyete harra kijiro, ilal tuumman ichoow yaafo tuumman ichoow afaf tuumman ichoow fil tuummane icheekta.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 17:2

Karnatohi harrata malaayata sohoꞌddarri kaleessohteen. Toro la ꞌdooꞌdi harrata farsoti sabiibe sohoꞌddarritichee ka meleefu yitah.”

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.

Bakkaahit 6:10

Hooyi buure ka riireene, wihi icho yidaaheen, “Kamuri Miig Tuumman Leh, at a rume toro a munya. Ichoowka maantoh malmassa ꞌdooꞌdi harra kijiro hukkunta, ꞌdooꞌdi goorat diiggeenyo khube aal kagutatta?”

Bakkaahit 8:13

An ꞌdeyꞌdoochaayi, gabaddi serey katariꞌde hooyi buure ka riirto daage. Iche la wihi iche elatti, “Uuwwiy! Uuwwiy! Sinati weeli enenyete harra kijiro isoosohatti eenna a buure, jeenteti hooyi arabi herti Waakhe addane seyyahe dowwanoha ka isooafuuftuu!”