Bakkaahit 22:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi herti Waakh wihi iche ani itidah, “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste Waákh íyeyyeedo ichoow ki wihi buugga kachiiran raahuu, a falfa Yeesso on. Waakh on waho!”

Bakkaahit 22:9 ပူးပေါင်းရင်းမြစ်များ

Mattaayo 4:9

Seytaan wihi us Yeesso iyidah, “Chirri at jilbo il kaguꞌdubte at ani iwahatte, waha tuumman a kisiicha.”

Luuka 4:7

ꞌDeerka chirri at iwahatte waha tuumman wahaahha yateehiin.”

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Bakkaahit 22:10

Herti Waakh toro wihi iche itidah, “Jeenteti ibeenki waha yateehiin isoodowwaatuu, yeedassi atihi Waakh iyeyyeeddo buugga kachiirte hanja akadaginne ꞌdee yeedassa a laargo.

Bakkaahit 22:18

Ani eti tuummane yeedassi buugga eti Waákh íyeyyeedo kijiro nabah isudo a tootoocha. Chiꞌ etoo wohoo kakhayo, Waakh etaas sinayyohi yahame buugga kachiiran a ikakhaya.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”

Bakkaahit 4:10

ewweenki tomon lamma ichoow affare Waakh ortiis ka jilbo il kaguꞌdda, Waakkhi jirtuu tuumman jiro wahtaan. ꞌDuubassicho komborti antoot orche yassilliine, wihi icho dowtaan,

Bakkaahit 9:20

Weeli enenyete sooꞌhade sinayyoha ibakkin la uskeelicho ma kasoonokhan ba. Uliba ginnayyo ichoow iyookkoyyohi icho Waakh kayeessaan on wahtaan. Iyookkoyyoha ꞌdahab ichoow lahaag ichoow birtoo booran ichoow dagahe lakahaaggiche. Iyookkoyyoha la, indo ma khabaane, dogo ma khabaane, ma sohtaan la.