Bakkaahit 22:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ “Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Bakkaahit 22:16 ပူးပေါင်းရင်းမြစ်များ

Mattaayo 1:1

Waha a magahenye aacchinye Yeesso Kiriistohi hiiy Dawuudhi karnate. Dawuud la a hiiy Aburaaham.

Mattaayo 2:2

Iche la wihi iche worsatte, “Weeli desse karnati Yaꞌhuud yateeh mee? Iꞌdi tahe bakkaali delmaattiis tuso usuhi beri kasookore a agarre, nah la usu nimiyye wahannaa.”

Mattaayo 22:42

“Ki Lasubhe mehe ikhaattaan? A ínam eyya?” Iche la wihi iche ilaabte, “A hiiy Dawuud.”

Mattaayo 22:45

Chirri Dawuud rubeytiis ba usú, ‘Kamur,’ kawaho, saggoh toro Ki Lasubhe hiiy Dawuud iyahe?”

Luuka 1:78

A mehe, Waakkheen uure nugulyahe toro a haagganyahe. Kamureen ꞌdooꞌdiis a riba, banayhiis la iꞌdi orrahti baryo sookortuu inno siicha,

Luuka 20:44

Dawuud rubeytiis usu Kamure kawaha, saggoh ꞌdeerka Ki Lasubhe hiiy Dawuud iyahe?”

Rooma 15:12

Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

2 Beetero 1:19

Inno la runti ꞌdooꞌdi goorat Waákh íyeyyeedo cheeke weyti tissibna. Yeeda weyti nabah isuda a mehe yeeda a iꞌdi taahi inti mugꞌdee kabolkho. Nabah isuda ichoowka ibeen a yimaate ki Kiriisto soobaho banayhiis la uurassiin goya kabolkhaan.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:17

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, gololoo Waakh kayamiite dagsane manna layadeehe siicha. Toro la daakkoo dakhane magahoo husub kachiiranyahe, eti ꞌhelo kalday on garti, iche siicha.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 22:1

ꞌDeerka herti Waakh hawti ꞌdusso bicchehiche jiro lakeelo, bicchehiche weyti warraakhyahiin itusse. Hawta la komborti antoote Waakh ichoow Heleem leeyahiine katamiit.

Bakkaahit 22:11

Eti khuf yeelo, khuf on a yeelo, ki sohoꞌddarri kijiro la, sohoꞌddarritaas on a kaassohti, eti wihi fissan yeelo la wihi fissan on a yeelo, ki munyee la orey a isohti munya a yitaahe.”

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

Bakkaahit 22:6

Herta Waakh wihi iche ani itidah, “Yeedassa a wihi lakakhuufo, toro la a wihi rummaat. Kamuri Waakhenye Rubeyti Waakh ꞌdooꞌdi Waákh íyeyyeedo siicho, ani laka a isooerge, ꞌdee wihi toolla yateeh ichoow wihi dowannoha ka sooyateeh, falfayyohiis tusa.”

Bakkaahit 3:13

Eti dogo khabo wihi Rubeyti Waakh ururre Kiriisto idowto a daago giꞌde.

Bakkaahit 3:22

Eti dogo khabo wihi Rubeyti Waakh ururre Kiriisto idowto a daago giꞌde.”

Bakkaahit 3:6

Eti dogo khabo, wihi Rubeyti Waakh ururre Kiriisto idowto a daago giꞌde.

Bakkaahit 5:5

ꞌDeerka ewweenkaas kichekoo wihi us ani iyidah, “Ooyin! Yey, ki Bahassihi yaaf Yuuda layadeehe, Hiiy karnati Dawuud layadeehe, walah dakkhan a sooriche. Usu muꞌdane hanjayyohaas teebee bukkhicha, khadaabaas furin yabuuꞌd.”