Bakkaahit 22:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.

Bakkaahit 22:15 ပူးပေါင်းရင်းမြစ်များ

Mattaayo 7:6

“Wihi munyee ꞌdooꞌdi Waakh ꞌdiiꞌddan asiinna. ꞌDooꞌda a iꞌdi kararreti yibaate kisoonokhatti, kitaham. Wihi weyti haaggan la, ꞌdooꞌdi haaggicho ꞌdiiꞌddan asiinna. ꞌDooꞌda iꞌdi golchuu wahaas haaggan a yabta.

Mattaayo 8:12

Iꞌdaasenyi ꞌdooꞌdi yaafohi Issiraayelenye kootte dakhaas miinsanyahe Waakh icho khar ka mugꞌdi goya iseya. Intaas ka la a ooyaane bolokh ka ilko iskarobaan.”

Yoohana 8:46

Ayyo goytiin ka saggi an rumanka uskeel iyeele tusa? Chirri an rum cheeko a iꞌdoh ani irummeysanna?

Hilassi Ergaano 8:11

Wihi icho karaahaan la a jeenteti us goycho ka geeddi deer morotiis ka girmo iyeele.

Fiiliffi 3:2

Taba, ꞌdooꞌdaas uskeel lehe, iꞌdi kararre u sussuujenye, khandihi uskul enenyet ihosso yuubsada.

Kolossaay 3:6

Jeenteti waha u, holi Waakhe kuleele ꞌdooꞌda yeediis iraahin a iyamiit.

1 Timooti 1:10

Toro la amurre a ti ꞌdooꞌdi isidisanne isleeurꞌdo ichoow mejeli isleeurꞌdo ichoow ꞌdooꞌdi enenyet ororsati ichoow ꞌdooꞌdi been leh ichoow ki garti beenaat cheeko ichoow wihi tuummane wori mujjumenye Waakh buusan.

Bakkaahit 18:23

Toro la jirtuu banayhi taa goytaah ma kabolkhaan. Hooyi eti min disti ommos inanti ladiso, jirtuu goytaah ma lakadaago. ꞌDooꞌdaahki bacchaara haaggiche ki harra ka lagarti eheet. Morotaah ka yaafo tuumman a leekkeeste.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”