Bakkaahit 22:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Yeesso la toro wihi us yidah, “Nabah suda! An dowwanoha ka guunnaankeey khabaayi a amiit. Gunnaanka an ebba guto ichoow wihi icho goorat yeeleen ba a israahaan.

Bakkaahit 22:12 ပူးပေါင်းရင်းမြစ်များ

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Rooma 14:12

ꞌDeerka ꞌdee eteemba berri wori jirotiis tuumman Waakh a idowdowa.

1 Koriinto 3:14

Chirri ebba wihi us dise sooꞌhadeen etaas kalaꞌd a laguta.

1 Koriinto 3:8

Eti ilim il gesso ichoow ki bicche kachibo ba malicho a koo one, Waakh la ebba geeddi us hil haaggiche on kalaꞌd guta.

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.

Bakkaahit 20:12

Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”

Bakkaahit 3:11

An dowwa soonokhda. Wihi atin khabtaan jurkhicha, uus etoo kalday laka ꞌduubiinki kalaꞌdeet atin kakhaatine.