Bakkaahit 21:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 21:8 ပူးပေါင်းရင်းမြစ်များ

Mattaayo 10:28

ꞌDooꞌdi sar on yagiise iꞌdaasenyi rubey iꞌdoo iidaahan akaroorina. Waakkhi sar ichoow rubey ba baabiicho, meessi ꞌdabi armaanjireen kalugꞌdo karoora.

Mattaayo 25:25

Jeenteti an ikaarooruu, ugarti kaldaye chilimme at dahanteey soogelisse, a khaate harra goya kadagche. Yey, wihi wahaahe kallaayo.’

Mattaayo 8:26

Yeesso la wihi us ilaabe, “Eenna iꞌdaaru marah on ikakhuuftaane, a iꞌdoh iꞌduu iburꞌdowteen?” ꞌDeerka kahe, hafar ichoow ir ba leejaakhe, chirraakka beye rukkuy goosse.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

2 'Dessaloonika 2:9

Emeetti eta amurre tuumman ꞌdiiꞌddan ichoow hili Seytaan haaggicho a israahaan. Wihi beenaate us enenyet tuso a waha, wihi ittaawenye weeli enenyet yeelin iubaaꞌdan ichoow wahanyeyyohi miigti Waakh tuso ichoow girmo.

1 Timooti 4:2

Worassi iꞌdee inti icho kayamiitiin a ꞌdooꞌdi iskaayyeelo beeno leh. Rubeyohichoki haag ichoow suujoon seley saaho a iꞌdoo gaꞌdaari kuleele ka lakobdaaddinooche.

Tiito 1:16

ꞌDooꞌda Waakh a garanna essa, iꞌdaasenyi jiroti icho jiraan ka Waakh a ꞌdiiꞌddanyahiin. Weyti laꞌdiiꞌddanyahe, yeed ma daagaane, haaggoo rucchul laka yeelin ma yabuuꞌdiin.

Ibiraaniya 12:24

Toro la Yeessohi dahgeleenye ayyinti husube Waakh gooche keene, iche isoodowwaatteen. Diiggiis a liirdifte, ꞌdee Waakh enenyet uskeel ikakuta. Diigga iꞌdi diig Aabelki eti aal guto yowti mee.

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

1 Yoohana 2:22

Kamalda bal, eti been leh a ayyee? Eti been leh a eti saggi Yeesso Ki Lasubhe iyahe ꞌdiiꞌdo. Eti iꞌdee a eti Kiriisto igafo. Us Waakkhi Aabbaheene ichoow Weeli Waakh ba a ꞌdiiꞌddanyahe.

1 Yoohana 3:15

Eti tuummane etiiski Kiriisto rummeeste nihib, a iꞌdoo us dubunuunu diig gele. Wihi atin garattaan la, et dubunuunu diig gele jiroti jirtuu imassan ꞌhelo mele.

1 Yoohana 5:10

Eti tuummane saggi Yeesso Weeli Waakh iyahe rummeesti, wihi Waakh essi a rummeesta. Eti tuummane wihi Waakh essi irummeysan la, Waákh eti been lehe kayeele, a mehe wihi Waakh cheeke Weeliis miinsan ma rummeysan gon.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:2

Wihi atin yeessaan ichoow holi atin dowtaan ichoow saggi atin igarrahsattaan a garda. Saggi atin ꞌdooꞌdi uskeel leh iꞌdiiꞌddaan a garda. ꞌDooꞌda ergaano Kiriisto iskaayyeelo iꞌdaasenyi ieheynan a kajjeene, beenticho agarteen.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.

Bakkaahit 9:17

An fooltabcho ka faráꞌd ichoow ꞌdooꞌdi faráꞌd fuulo arge. ꞌDooꞌd gaꞌdaarretoo gugguuꞌddane iꞌdi ꞌdabe ichoow too daydaayan ichoow too derleyyeenye kach kakhaba. Matahenyeti faraꞌdeet la matahenyeti bahassi iyoogyahiine, ꞌdab ichoow uum ichoow jimbihilo la afassichooda kasoobahaan.

Bakkaahit 9:21

Toro la ꞌdooꞌd ogoossi dubunuunu lagelo ommos moroyyohi liirti ommos ꞌdooꞌdi isidisanne isleeurꞌdo ommos hatto ma kasoonokhan.