Bakkaahit 21:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Ilkerengeete orrah ommos yeyyakki banay siicho ma ꞌdoonto. A mehe ababnaanki Waakhe ilkerengeet banay siicha, Heleem la a taahicheeda.

Bakkaahit 21:23 ပူးပေါင်းရင်းမြစ်များ

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Marko 8:38

Chirri etoo ꞌdooꞌda weyꞌdane waakkhassi addan wahti uskeel leh goyaka ani ikuuryaawo toro yeedeey kuuryaawo, Ínam Aadam laka maanti us miig Aabbahiis ichoow ti herti Waakhe munyee leesoonokhti, usu a kuuryaawa.”

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Yoohana 1:4

Usu jiroti rummaat lakeela. Jirota la weeli enenyete banay ikeenta.

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Hilassi Ergaano 22:11

Jeenteti banayhi ababo indo itireen u, wahalheey iangaamicheene ilkerengeetti Damaasko igeecheen.

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Bakkaahit 18:1

Waha ꞌdubicho ka, hertoo Waakhe addan ichehi goobi Waakh kasookhubatti arge. Herta Waakh la antohi buurenye khabta, ababnaanki iche ababto la harra tuumman banaynoocheen.

Bakkaahit 21:11

Banayhi ilkerengeetta ababnaanki Waakh rubeytiis kasooababo kayamiitiin. Ababnaankaas la a iꞌdi daakkoo gato miigenye ulhawe iꞌdi kiyoow u warraakhe.

Bakkaahit 21:25

Artohi ilkerengeetta maalim tuumman ma looto, a mehe intaas ibeen ma tateeh.

Bakkaahit 22:5

Ilkerengeetta kola mugꞌdi ma khabto. ꞌDooꞌdi goya kajiro la taa ma ꞌdoono ommos banayhi orraheet ma ꞌdoono. Iꞌdi tahe Kamuri Waakhe rubeytiissa banayhicho yateeh. ꞌDooꞌda tuumman la jirtuu tuumman iꞌdi karnatoot u walahe dakhta.

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”