Bakkaahit 21:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Artohi tomon ichoow lammee tooba daakkoo weyti gato miigenye lakahaaggiche. Jiti ilkerengeetta ween dah kagoocho la a ꞌdahabi massane iꞌdi kiyoowhi bildiikhee.

Bakkaahit 21:21 ပူးပေါင်းရင်းမြစ်များ

Bakkaahit 17:4

Makhaabale gaaddoo muggee ichoow guꞌduuꞌd khabto iche khabta. Sar la ꞌdahab ichoow dagahtoo gato miige ichoow irtiyyohoo gato miige, iche lakeeykode. Iche la kokkooboo ꞌdahabe wahanyeyyohi weyti lakhaanyee ichoow duksakki sohoꞌdarritiche buuhto iche khucchisse.

Bakkaahit 18:16

riiraane, wihi icho yadeehiin, “ ‘Uuwwiy! Uuwwiy! Ilkerengeetta weenoow, ati gaaddi hahhaaggane daddakhan ichoow ti muggeyyee ichoow ti gugguuꞌddan a gessatte, toro ꞌdahab ichoow dagahti bibbildiikhto ichoow irtiyyohi gato miige a lakeeykode.

Bakkaahit 21:15

Herta Waakhe ileeyyeeddo, wussoo ꞌdahabe iche ilkerengeet ichoow arto ichoow khaari ilkerengeetta kamarsan tuumman karerreegto iche khabta.

Bakkaahit 21:18

Khaara ilkerengeetta kamarsan dagahtoo gato miigenye ulhawe lakadise. Ilkerengeet la ꞌdahabi massane iꞌdi kiyoowhi bildiikheenye kadisan.

Bakkaahit 22:2

Hawta la jiti buurenye ilkerengeet dah kagoocho, iche tabta. ꞌDollohiche lammache la geeyoo jiro lakeelo, guꞌh ka gurnaan tomon ichoow lamma delo, hay ka delo, a katoolla. Seebi geeya la yaafo samaacha.

Bakkaahit 4:6

Wihi addane komborta orche kijiro, a wohoo beytoo buurenye kiyoowe gato miige iyooge warraakhe. Ukkur ka, wihi komborti antoot kamarsan a wahanyeyyohoo affarenye lasoouume rubey khabo sar orche ichoow ꞌdubiche indo buuhaan.