Bakkaahit 20:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ ulla baha yaafohi harra ꞌdollohiche affarcho kijiro Goog ichoow Magoog layadeeh ekkeesta, ꞌdee yaafoha diho iururicha. Icho la ittaaw ka a geeddi yoohti beyti buure afiche kijiro.

Bakkaahit 20:8 ပူးပေါင်းရင်းမြစ်များ

Ibiraaniya 11:12

Kholoyyohi ittaawe ꞌdeerka makhaabala atteka yumuy iche kayimaateen. Nyaakhuti kholoyyoha ittaaw ka a geeddi yiyyihimohi saraate toro iꞌdi yoohti beyti buure afiche kijirtuu ekkees ma layabuuꞌd.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:3

Ankhari dahane ieleelin goya isaate, af hidde toro ꞌduuꞌdde, ꞌdee kola yaafohi harra ma ekkeesti ichoowka guꞌhassi alifoowe kutaan. Maanti guꞌhassaas kuteen, geeddoor toro a lasoofura.

Bakkaahit 7:1

Waha ꞌdubicho ka, herti Waakhe affarenye harra ꞌdollohiche affarcho tolosso arge. Herta Waakh la hafarreti affarenye harra iche harrati angagan ichoow beyohi burbuure ichoow wihi geeye kajeyissa.