Bakkaahit 20:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 20:4 ပူးပေါင်းရင်းမြစ်များ

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Mattaayo 24:10

Maantaas ꞌdooꞌdi buure kakhuufnaanki icho ani ikakhuufaan a kanokhta, dahanohi chiiyeet isgessa, toro la isꞌdiiꞌdaan.

Marko 6:16

Iꞌdaasenyi ꞌHerood maanti us waha leessi daage ka, mehe yidah ya, “Yoohanahi goorat an matah gooche iche omoot lakasookahche!”

Marko 6:27

Chirraas on ꞌdeerka eti iskareete ꞌdooꞌdi hidan yagiis erge, yeed kaguꞌdde matah Yoohana sookhaat iyidah. Eti iskareet la jeela irte Yoohana matah soogooche,

Marko 9:11

Wihi icho Yeesso worsateen, “A iꞌdoh tagaammeti amurre, ‘Eliiya koloo yamiit,’ ielatta?”

Luuka 1:17

Ulla miig ichoow rubeyti eti goorat Waákh íyeyyeedo Eliiya layadeeh khabe iche khaba, Kamúr ortiis sohta. Ulla ooyenye ichoow nyaakhutichooda isineybicha, ꞌdooꞌdi yeed idaagin kharati ꞌdooꞌdi fiffissan ilaaba, ꞌdee ꞌdooꞌd emeetti Kamur itannabicha.”

Luuka 14:14

At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

Rooma 11:15

Iꞌdi tahe maanti Waakh ꞌdooꞌdi Issiraayel ꞌdiiꞌde, iche ꞌdooꞌdi addane harrata ankiis keene. A haaggoo geeddohe maanti Waakh ꞌdooꞌdi Issiraayel khaatti? A iꞌdoo ꞌdooꞌdi goorat tuume omoot kasookaho!

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Bakkaahit 1:2

Yoohana la wihi us arge tuummane cheeke. Yeedi Waakh ichoow runti Yeesso Kiriisto usu tuse iche chiire.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 11:11

Iꞌdaasenyi inkoo ibeenneta seyyah ichoow nyuuse kuteen ka, Waakh ꞌdooꞌda lammee neebsihi jiro kaafuufe, icho la sootolossateene, eti tuummane icho arge la weyti nahe.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 11:3

Ani la ꞌdooꞌdeeyki lammeenye garti runteey laabo miig a siicha, icho la maan alifoo ichoow kud lamma ichoow lih Waákhe íyeyyeedaan. Icho la ingaꞌdaaꞌdiyyo gessataan.”

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Bakkaahit 14:11

Uunki bolokkha ꞌdooꞌda latuse jirtuu tuumman sereye ikaha. ꞌDooꞌdi binaha ichoow iyookkotiche wahti ichoow eti tuummane sumatti magahiis ꞌhelo, ibeen ichoow maalim ba nasme ma ꞌhelo.”

Bakkaahit 15:2

Anna wohoo beytoo buurenye kitaab iyooge ꞌdab lakawarse arge. ꞌDooꞌdi goorat binahi oraat ichoow iyookkoti binahane lahaaggiche sooriche toro ayti magahiis itolosso sooriche ichohi beytaas garabiche toollo arge. Reemassi chiꞌ geeyo ladowo laguꞌddo ꞌhaab layadeehe Waakh icho siiche iche khuccheene,

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 2:26

Eti tuummane sooricho ichoowka ꞌdubicho eleelo wihi an ꞌdoono yeelo, an antohi us yaafo tuumman kawoyo a siicha,

Bakkaahit 20:6

ꞌDooꞌdi Waakh imaalo toro la munyee a ki ꞌdooꞌdi oraate Waakh omoot kasookahcho goya kijiro. Omootti lammaatteet icho anto ma kakhabto, iꞌdaasenyi Waakh ichoow Kiriisto ortiis ka kuhaaniyyohi hili Waakh haaggicho yateehiin. Icho la guꞌh alifoo Kiriisto harra leedakhtaan.

Bakkaahit 22:5

Ilkerengeetta kola mugꞌdi ma khabto. ꞌDooꞌdi goya kajiro la taa ma ꞌdoono ommos banayhi orraheet ma ꞌdoono. Iꞌdi tahe Kamuri Waakhe rubeytiissa banayhicho yateeh. ꞌDooꞌda tuumman la jirtuu tuumman iꞌdi karnatoot u walahe dakhta.

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.

Bakkaahit 7:3

“Harra ommos beyohi burbuure ommos geeyo agaameerina, ichoowka falfayyohi Waakh tuumman sumatti Waakh miin a gelinno.”