Bakkaahit 20:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Waakh ꞌdeerka omoot ichoow meessi omooteet ba beyti ꞌdab goya iseye. Beyta ꞌdab a omootti lammaatteet.

Bakkaahit 20:14 ပူးပေါင်းရင်းမြစ်များ

1 Koriinto 15:26

Chiiytanki ꞌdaꞌddaboote us baabiicho a omoot.

1 Koriinto 15:53

A mehe sarteenta tamuute suusahto ichehi luurgiyicho, ti iumaatane isuusahin lakayeelo laꞌdoona.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:13

Beye ꞌdooꞌdi tuume goyahiche kijire sooꞌdiisse. Omoot ichoow meessi omooteet la ꞌdooꞌdi tuume goyahicho kijiro sooꞌdiicheene, Waakh la ebba hukkume. Hukkunka ichoow wihi goorat icho yeeleen ba a israahaan.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 20:6

ꞌDooꞌdi Waakh imaalo toro la munyee a ki ꞌdooꞌdi oraate Waakh omoot kasookahcho goya kijiro. Omootti lammaatteet icho anto ma kakhabto, iꞌdaasenyi Waakh ichoow Kiriisto ortiis ka kuhaaniyyohi hili Waakh haaggicho yateehiin. Icho la guꞌh alifoo Kiriisto harra leedakhtaan.

Bakkaahit 21:4

Waakh la indohicho ka ilmohicho tuumman a hiyyaaya. Kola omoote ma jirto, enenyet looyo mele, oytime ma jirto, bolokh laka ma jiro. Iꞌdi tahe wahanyeyyohi oraat a kuteen.”

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 6:8

An yeye, orteey ka faraꞌdoo ulah dakhan arge. Eti fulo magahiis, Omoot iche layadeehe, ꞌdubiis la meessi omooteete sooraahta. Waakh antohi icho enenyeti harra kijiro et affar goyaka koo yagiisiin siiche. Antohaas ka la ꞌdooꞌdi harra kijiro diho ka ichoow nabhayye ka ichoow sugeerre ka ichoow binahi yibaat ka a bakkicha.