Bakkaahit 20:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.

Bakkaahit 20:12 ပူးပေါင်းရင်းမြစ်များ

Mattaayo 11:22

Iꞌdaasenyi wihi an atin icheeko, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Tiiro yiil ichoow ꞌdooꞌdi ilkerengeetti Siidon yiil tuse iche deefta sinati Waakh atin tuso ka.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Hilassi Ergaano 24:15

Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Rooma 2:6

A mehe Waakh weeli enenyet tuumman ebba geeddi us walah yeele guta.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 19:5

ꞌDeerka komborti antoot ka hooyoo sooyeede wihi us yidah, “Atinhi ilbooyyetiise tuumman, atinhi usu karoortaan, atinhi rurrucchul ichoow atinhi wewween, taba Waakkheen koolicha.”

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.

Bakkaahit 20:11

ꞌDeerka kombortoo antoote buurenye dakhane etoo kafiddiyo arge. Harra ichoow sereye ba eta ortiis kafirdeene, iꞌdaasenyi meel icho isiꞌheleen mele.

Bakkaahit 20:13

Beye ꞌdooꞌdi tuume goyahiche kijire sooꞌdiisse. Omoot ichoow meessi omooteet la ꞌdooꞌdi tuume goyahicho kijiro sooꞌdiicheene, Waakh la ebba hukkume. Hukkunka ichoow wihi goorat icho yeeleen ba a israahaan.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

Bakkaahit 22:12

Yeesso la toro wihi us yidah, “Nabah suda! An dowwanoha ka guunnaankeey khabaayi a amiit. Gunnaanka an ebba guto ichoow wihi icho goorat yeeleen ba a israahaan.

Bakkaahit 3:5

Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.