Bakkaahit 2:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:11 ပူးပေါင်းရင်းမြစ်များ

Mattaayo 11:15

Eti dogo khabo a daago giꞌde!

Mattaayo 13:9

Eti dogo khabo a daago giꞌde!”

Marko 4:9

Yeesso ꞌdeerka wihi us yidah, “Eti dogo khabo, a daago giꞌde!”

Luuka 8:8

Gaasoo la inti harrati haaggan khabto kadiheen. Soobaheene gurnaan deleen. Geey ba kol kudoo geeddi il lakachibe ꞌdirihiis dele.” Chirri us yeediis massiche ka, riire wihi us yidah, “Eti dogo khabo, a daago giꞌde!”

Bakkaahit 13:9

Eti dogo khabo a daago.

Bakkaahit 2:17

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, gololoo Waakh kayamiite dagsane manna layadeehe siicha. Toro la daakkoo dakhane magahoo husub kachiiranyahe, eti ꞌhelo kalday on garti, iche siicha.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 20:14

Waakh ꞌdeerka omoot ichoow meessi omooteet ba beyti ꞌdab goya iseye. Beyta ꞌdab a omootti lammaatteet.

Bakkaahit 20:6

ꞌDooꞌdi Waakh imaalo toro la munyee a ki ꞌdooꞌdi oraate Waakh omoot kasookahcho goya kijiro. Omootti lammaatteet icho anto ma kakhabto, iꞌdaasenyi Waakh ichoow Kiriisto ortiis ka kuhaaniyyohi hili Waakh haaggicho yateehiin. Icho la guꞌh alifoo Kiriisto harra leedakhtaan.

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 3:12

Eti tuummane sooricho la minki buurenye Waakkheey ka tirrinki dagaheete kayeela, ulla jirtuu tuumman intaas ma kakaho. Ani la magah Waakkheey ichoow magah ilkerengeetti weene Waakkhaaya usu kachiira. Ilkerengeettaas la a ilkerengeetti weene Yeerusaleeme husube Waakkheey goobiis kasooyagcho. Toro la magaheeyki husub laka usu kachiira.

Bakkaahit 3:13

Eti dogo khabo wihi Rubeyti Waakh ururre Kiriisto idowto a daago giꞌde.

Bakkaahit 3:5

Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.

Bakkaahit 3:6

Eti dogo khabo, wihi Rubeyti Waakh ururre Kiriisto idowto a daago giꞌde.