Bakkaahit 19:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Weyti hamaano, weynaantiis koolinno! Iꞌdi tahe oroosi Heleem a yitah. Inantiisti us disti la a istannabisse.

Bakkaahit 19:7 ပူးပေါင်းရင်းမြစ်များ

Mattaayo 1:20

Iꞌdaasenyi inkoo us ayta kamasse, hertoo Kamur issillo goyaka isoobahte wihi iche itidah, “Yuussuf, ínam Dawuud, Maariya disan akaroorin. Iꞌdi tahe iche miigti Rubeyti Munyeenye kuurowte.

Mattaayo 22:2

“Dakhi goobi Waakh iyookkoka, a iꞌdi karnati inankiis min disti ulla oroosi buure ibahcho.

Luuka 12:36

Iꞌdi ilbooyyeti kamurichoki oroos kasoonokhti sugto ateeha. Icho la uus kamuricho sootolossati chirraas on afaf ifuraan.

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

2 Koriinto 11:2

A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena.

Efeesso 5:23

A mehe makhaabal usu matakki makhaabassiise, saggi Kiriisto matakki ururiis iyahuu. Kiriisto la usu ururiiski iꞌdi sartiise ꞌDoorribehichee.

Efeesso 5:32

Chiirnaankaas aytoo weyti weene dagsane kaayyeda. Iꞌdaasenyi yeedaas ka ani Kiriisto ichoow ururiissa kaayyeeda.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 19:9

Herti Waakh ꞌdeerka wihi iche ani itidah, “Waha chiir, ‘ꞌDooꞌdi Waakh imaalo a ki Waakh oroosi Heleem iwahe.’ ” Herti Waakh kakhayte, wihi iche tidah, “Waha a yeedassi rummaate Waakh.”

Bakkaahit 21:2

Anna Ilkerengeetti Weene Lagane Yeerusaleeme husube goobi Waakh ka sookhubatti arge. Ilkerengeetta a iꞌdi inanti ladiso tannabatte eti disti gaaddi haaggan igessatte.

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”