Bakkaahit 19:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ ꞌDeerka toro hooyi iꞌdi ururi ꞌdooꞌdi buurenye kowdootee daage. Hooya la a iꞌdi bicchehi sookhubti, toro la iꞌdi karkaraho iyeeda. Icho la wihi icho yidaaheen, “Okkhoow weyti kikoolinna! Iꞌdi tahe Kamuri Waakhenye Miig Tuumman Leh, usu walah tuummamba anta.

Bakkaahit 19:6 ပူးပေါင်းရင်းမြစ်များ

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Bakkaahit 1:15

Luhlohiis la weyti bildiikhaane, iꞌdi birtoo boorane lasiguu a ankhadaane, hooyiis la a iꞌdi ꞌduleyi weyti buure.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 12:10

An ꞌdeerka hooyoo buure goobi Waakh ka daage, wihi us yidah, “Toolla ribnaan ichoow miig ichoow dakhi Waakkheen, ichoow anto Lasubhehiis a yimaateen. Iꞌdi tahe ki ꞌdooꞌdeenki Kiriisto rummeeste cheekti, ibeen ichoow maalim ba Waakh ortiis ka cheekti goobi Waakh a lakasooseye.

Bakkaahit 14:2

Hooyoo buurenye iꞌdi riiriti hawti ꞌdusseenye ommos iꞌdi karkaraheenye goobi Waakh kasooyeede daage. Hooya a iꞌdi ꞌdooꞌdi reemassichoki chiꞌ geeyo ladowo laguꞌddo ꞌhaab layadeeh yeedicho.

Bakkaahit 19:1

Waha ꞌdubicho ka goobi Waakh ka wihi iꞌdi kowdoti ururi ꞌdooꞌdi weyti ittaawee daage, wihi us yidah, “Okkhoow, weyti kikoolinna! Ribnaan ichoow weynaan ichoow miig ati leh!

Bakkaahit 19:4

Ewweenki tomon lamma ichoow affare ichoow wahanyeyyohi affarenye lasoouume rubey khabo ba jilbo il kaguꞌddeene, Waakkhi komborti antoot kafiddiyo wahteene, wihi icho yidaaheen, “Aamiin! Okkhoow, weyti kikoolinna!”

Bakkaahit 21:22

Ilkerengeet goyaka minki Waakhe buure ma argin, iꞌdi tahe Kamuri Waakhenye Miig Tuumman Leh ichoow Heleeme minki Waakhe buurenye ilkerengeetete.

Bakkaahit 4:5

Kombortaas antoot la ankhad ichoow borooꞌd ichoow karkaraho kasoobahe. Kombortaas orche ka la oor teeba ꞌdab kabolkho jirta. Oorassa la a rubeyohi Waakhe teebee.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 8:5

ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.