Bakkaahit 19:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Kiyati ittaawenye goobi Waakhe faraꞌddi daddakhan fuusso la ꞌdubiissa raahta. Kiyata la darfohi hahhaaggane daddakhane chaafo laa iche khabta.

Bakkaahit 19:14 ပူးပေါင်းရင်းမြစ်များ

Mattaayo 21:5

“ꞌDooꞌdi ilkerengeetti Saayon yaal mehe itadeeh ya, ‘Yeya, karnatiin a yamiite, ulla a etoo samacchaare, inkuraarru sookora, weeli ehele sookora.’ ”

Mattaayo 26:53

At saggi chirri an Aabbaheey gargaar idaahe, us herti Waakhe aliffe goosso koloo kalday isooergo ma garatti?

Mattaayo 28:3

Herta fooliche iꞌdi ankhad u a ababa, darfohiche la a waha dakhane iꞌdi yooleete.

2 'Dessaloonika 1:7

Toro la atinhi sina atin loomhicho ichoow nah ba sina a inno kabukkhicha. Waha la maanti icho yateehiin, a maanti Yeessohi Kamure iꞌdi ꞌdabi bolkhuu, herti Waakhe miig leh khabaayi goobi Waakh kayamiit.

Yuuda 1:14

Eti Eenog layadeehe kholoti teebannaatteete Aadam sooraahte ka jire, orey on wori Waakhe ꞌdooꞌda miinsan kaayyeede, wihi us yidah, “Bal yeya, Kamur hertiisti munyayyeenye aliffe goosso khabaayi a yamiit.

Bakkaahit 14:1

An ꞌdeerka yeye, Heleem orteey ka Hali Saayone fuula. ꞌDooꞌdi alif kudoo, alif tomon affar ichoow alif affare usuhi Heleem leejiro laka arge. Waha a ꞌdooꞌdi magahi Heleem ichoow magah Aabbahiis ba miinassicho kachiiranyahiin.

Bakkaahit 14:20

Gurnaanka sabiib la ilkerengeetti ween kharicheeda lakayabte. Diig intaas gurnaan lakayabte ka ꞌdule, geeddi kiilomitta kud seyyah iꞌdule. Diig la hoggiis geeddi mittatoo ichoow nyuus iche eheet.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 19:8

Iche la gaaddi hahhaaggane bibbildiikhto chaafotoo rucchul laka ikhabine, iche gessatti a lasiiche.” Gaadda la wihi fissane ꞌdooꞌdi Waakh yeele itolossa.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 7:9

Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.