Bakkaahit 18:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ “Karnatohi harra goorat iche sohoꞌddarri kaleessohte, kamurronkiche leegisme maanti icho uunki ꞌdabi ilkerengeettaas yaham argaan a uuwwichaane iche ooyaan.

Bakkaahit 18:9 ပူးပေါင်းရင်းမြစ်များ

1 Timooti 5:11

Iꞌdaasenyi muunkhoyyohi nunnugul achiirin. A mehe ꞌdee yomboka kolossoo ildeerroti sarticho a geeddi iche anatti icho hil Kiriistoki goorat icho isisoobahcheen ꞌdiichaane, mindischo gelin ꞌdoonaan.

Bakkaahit 14:11

Uunki bolokkha ꞌdooꞌda latuse jirtuu tuumman sereye ikaha. ꞌDooꞌdi binaha ichoow iyookkotiche wahti ichoow eti tuummane sumatti magahiis ꞌhelo, ibeen ichoow maalim ba nasme ma ꞌhelo.”

Bakkaahit 17:2

Karnatohi harrata malaayata sohoꞌddarri kaleessohteen. Toro la ꞌdooꞌdi harrata farsoti sabiibe sohoꞌddarritichee ka meleefu yitah.”

Bakkaahit 18:18

Maanti icho uunki ꞌdabi ilkerengeettaas yaham kasoobaho argaan, a riiraane, wihi icho yadeehiin, ‘Injire ilkerengeettoo weene harra ka iꞌdi tane a jirte?’

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Bakkaahit 18:7

Geeddi iche iskoolisse, iche kamurroonki sohoꞌddarri kijirte, iche geeddaas sina ichoow bolokh tusa. A mehe uuriche ka a eylajja, mehe elatta ya, ‘An saggi makhaabassi karnatenye ijira. An muunkho menye, jirtuu la ma ooyo.’

Bakkaahit 19:3

ꞌDooꞌd toro riire wihi us yidah, “Okkhoow, weyti kikoolinna! Uunki ꞌdabi ilkerengeeteet jirtuu dakkhan serey on ikaha.”

Bakkaahit 2:22

Maantaka an makhaabassa sina omhicha. ꞌDooꞌdi uskeeli makhaabassi tiis ieheynan leeurꞌdo iche leegelo la, sammata icho uskeeli icho leeyeelaan ikasoonokhan, sinati buurenye omhicha.