Bakkaahit 18:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Diiggi ꞌdooꞌdi Waákh íyeyyeedo ichoow diiggi ꞌdooꞌdi Waakh ichoow ꞌdooꞌdi harra ka labakkiche tuumman goyticheeda lakeele.”

Bakkaahit 18:24 ပူးပေါင်းရင်းမြစ်များ

Mattaayo 23:27

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin a iꞌdi hawwaalohi sarcho riingihi dakhan lakadowe, kharicho haagganyahe, iꞌdaasenyi goya lafohi ꞌdooꞌdi tuume ichoow wahanyeyyohi biꞌdirenye buuha.

Mattaayo 23:35

Jeentetaas u la, diiggi ꞌdooꞌdi fiffissane harra kakhubte tuumman berri atine atin fuula, uus diig Aabelhi fissan lakasookhabti ichoowka ínam Barachiiyahi magahiis Sakkariiya layadeeh. Ulla minki Waakhe buure ichoow chalagti hoola lakasoorriyoocho dahchooda dubunuunu kayigaaseen. Atin laka uskeelaas a leegesseen gon.

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

1 'Dessaloonika 2:15

ꞌDooꞌdi Yaꞌhuud Yeessohi Kamureene ichoow ꞌdooꞌdi Waákh íyeyyeedo a yigaaseene, nah laka a nah sooriheen. Icho la Waakh ma kahamaadichaane, toro la enenyet tuumman a tirrimeen.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 16:6

A mehe icho diiggi ꞌdooꞌdaah ichoow ꞌdooꞌdi kiyeyyeedo harra ikhubeene, at la diiggi icho damaane siisse. Waha a wihi rumanka icho imale.”

Bakkaahit 17:6

Anna makhaabassa diiggi ꞌdooꞌdi Waakh ichoow diiggi ꞌdooꞌdi gar Yeesso laabo tubhubye ichoowka meleefu titah arge. Uus an iche arge ka weyti girmeesde.

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”