Bakkaahit 18:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ “ꞌDooꞌdi harra ka bacchaarti la a uuwwicha ilkerengeettane ooya, a mehe et kola meehicho gatti mele.

Bakkaahit 18:11 ပူးပေါင်းရင်းမြစ်များ

Mattaayo 22:5

“Iꞌdaasenyi icho wahaas nabah ma isudine, ebba hiliissa on gele. Koo gosiis goya irte, koo la meessi us koororsati irte.

Yoohana 2:16

Wihi us ꞌdooꞌdi kutukuurrug ororicho iyidah, “Kutukurrugtaas inta kabahcha. Min Aabbaheey uurgiyinna sokko akayeelina!”

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Bakkaahit 18:15

ꞌDooꞌdi ꞌhor bacchaara haaggiche, meeha ororiche toro iche kakamurrowe foga tolossata, bolokkhiche weyti kanaha. Icho la a uuwwichaane toro ooyaane,

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Bakkaahit 18:23

Toro la jirtuu banayhi taa goytaah ma kabolkhaan. Hooyi eti min disti ommos inanti ladiso, jirtuu goytaah ma lakadaago. ꞌDooꞌdaahki bacchaara haaggiche ki harra ka lagarti eheet. Morotaah ka yaafo tuumman a leekkeeste.

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Bakkaahit 18:9

“Karnatohi harra goorat iche sohoꞌddarri kaleessohte, kamurronkiche leegisme maanti icho uunki ꞌdabi ilkerengeettaas yaham argaan a uuwwichaane iche ooyaan.