Bakkaahit 18:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Jeenteti icho bolokkhi ilkerengeettaas weyti ikanahaan u, foga tolossataane riiraane wihi icho essaan, “Uuwwiy! Uuwwiy! Ilkerengeetta weenoow, Baabiloonoow, ilkerengeetti miig khabtooy! Sahaꞌddoo kalday on sinati Waakh kigooche kitimiy!”

Bakkaahit 18:10 ပူးပေါင်းရင်းမြစ်များ

Bakkaahit 11:8

Sarticho la jiti ilkerengeetti weene Yeerusaleeme goorat Kamuricho laka massalaaba lakakaahe iche jiifta. Ilkerengeettaas wihi Waakh miinsan ka ilkerengeetti Soodom ichoow ili Miissiri liiokkanaache.

Bakkaahit 14:8

Hertoo Waakhe lammaatteet ꞌdubiche leetimiyye wihi iche tidah, “A massatte! Ilkerengeetti Weene Baabiloon bar a waayte. Ilkerengeetta yaafohi harra tuumman farsoti sabiibe sohoꞌddarriti iche kaassohatte damin a iholisse.”

Bakkaahit 16:19

Ilkerengeetti weene Baabiloon meel seyyahe ikharradde, ilkerengeetohi yaafohi harra la bar waayeen. Waakh uskeeli ꞌdooꞌdi ilkerengeetti Baabiloon yeele tuumman ma kadabine, ꞌdooꞌdi ilkerengeetta farsoti sabiibe kokkoob buuhto holi Waakh itolosso siiche.

Bakkaahit 17:12

“Gaasohi tomonenye at agarte, karnatohi tomonenye uliba ilassi icho dakhtaan iꞌheline itoollaan. Iꞌdaasenyi karnatoha antohi icho sahaꞌddoo kalday binahaas harra leedakhtaan a ꞌhelaan.

Bakkaahit 18:18

Maanti icho uunki ꞌdabi ilkerengeettaas yaham kasoobaho argaan, a riiraane, wihi icho yadeehiin, ‘Injire ilkerengeettoo weene harra ka iꞌdi tane a jirte?’

Bakkaahit 18:19

Icho la a ooyaane uuwwichaane toro ebeer matah iskachibaane, wihi icho yadeehiin, “ ‘Uuwwiy! Uuwwiy! Ilkerengeetta weenoow, kamurroonkicheeda ꞌdooꞌdi koobano khabo, bey ka bacchaarti kamurrowe. Sahaꞌddoo kalday goya on ka walah dakkhan bar latire!

Bakkaahit 18:21

ꞌDeerka hertoo Waakhe weyti miige daddaabtoo iꞌdi daddaabti buurenye gurnaan lakatumee okkhisse, bey goya isaate, wihi iche tidah, “Miigti buurenye iꞌdee ka, ilkerengeetti weene Baabiloon a lasoolugꞌda, yombuu la toro ma laꞌhelo.

Bakkaahit 18:8

Maantaka ibeenkoo kaldach on sinayyohiche iche kahataataane, omoot ichoow oytim ichoow abaár ikeena. Iche ꞌdabe yaham, a mehe Kamuri Waakhenye ween iche a hukkuma.”