Bakkaahit 17:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 17:8 ပူးပေါင်းရင်းမြစ်များ

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Luuka 8:31

Ginnayyo la inonnokhteene Yeesso hawwaasteen, uus ankhari dahane ieleelin iergine.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Hilassi Ergaano 15:18

goorat archiiy waha ꞌdooꞌd idowdowe essa.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 17:11

Binaha goorat jire toolla la ijirin, a karnati siyyeennaatteet. Ullaka karnatohi teebee a kichokoowe, toro la a labaabiicha.

Bakkaahit 17:2

Karnatohi harrata malaayata sohoꞌddarri kaleessohteen. Toro la ꞌdooꞌdi harrata farsoti sabiibe sohoꞌddarritichee ka meleefu yitah.”

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:12

Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Bakkaahit 3:5

Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.