Bakkaahit 17:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Makhaabale gaaddoo muggee ichoow guꞌduuꞌd khabto iche khabta. Sar la ꞌdahab ichoow dagahtoo gato miige ichoow irtiyyohoo gato miige, iche lakeeykode. Iche la kokkooboo ꞌdahabe wahanyeyyohi weyti lakhaanyee ichoow duksakki sohoꞌdarritiche buuhto iche khucchisse.

Bakkaahit 17:4 ပူးပေါင်းရင်းမြစ်များ

Bakkaahit 14:8

Hertoo Waakhe lammaatteet ꞌdubiche leetimiyye wihi iche tidah, “A massatte! Ilkerengeetti Weene Baabiloon bar a waayte. Ilkerengeetta yaafohi harra tuumman farsoti sabiibe sohoꞌddarriti iche kaassohatte damin a iholisse.”

Bakkaahit 18:12

Et kola meehichoki ꞌdahab ichoow ki lahaageet ichoow dagahti bibbildiikhto ichoow irtiyyohi gato miige gatti mele. Et darfohichoki fil ittaawenye gato miigenye iꞌdi maanta wihi daddakhan ichoow wihi muggeyyee ichoow wihi gugguuꞌddan kagatti mele. Et khoꞌdoommeti fil ittaawenye gato miige ichoow wahanyeyyohi ꞌhiir lakahaaggiche fil ittaawe gatti mele. Et meehichoki birtoo booran ichoow ki birtoo daayiti khaalkhee ichoow ki dagahti lasigo lakahaaggiche gatti mele.

Bakkaahit 18:16

riiraane, wihi icho yadeehiin, “ ‘Uuwwiy! Uuwwiy! Ilkerengeetta weenoow, ati gaaddi hahhaaggane daddakhan ichoow ti muggeyyee ichoow ti gugguuꞌddan a gessatte, toro ꞌdahab ichoow dagahti bibbildiikhto ichoow irtiyyohi gato miige a lakeeykode.

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 21:21

Artohi tomon ichoow lammee tooba daakkoo weyti gato miigenye lakahaaggiche. Jiti ilkerengeetta ween dah kagoocho la a ꞌdahabi massane iꞌdi kiyoowhi bildiikhee.

Bakkaahit 9:21

Toro la ꞌdooꞌd ogoossi dubunuunu lagelo ommos moroyyohi liirti ommos ꞌdooꞌdi isidisanne isleeurꞌdo ommos hatto ma kasoonokhan.