Bakkaahit 17:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² “Gaasohi tomonenye at agarte, karnatohi tomonenye uliba ilassi icho dakhtaan iꞌheline itoollaan. Iꞌdaasenyi karnatoha antohi icho sahaꞌddoo kalday binahaas harra leedakhtaan a ꞌhelaan.

Bakkaahit 17:12 ပူးပေါင်းရင်းမြစ်များ

Bakkaahit 10:11

ꞌDeerka wihi ani liidah, “Nyaam toro wori Waakhe ꞌdooꞌdi fil ittaawe ichoow ilassi ittaawe ichoow afassi ittaawe ichoow karnatohi ittaawe miinsan cheek.”

Bakkaahit 12:3

ꞌDeerka girmohoo addan sereyta daayan ka soobaheen. Waha la a khorojebsihoo buurenye guuꞌddane, matah teeba ichoow gaas tomon khabo, matah ba la ꞌduuboo khabo.

Bakkaahit 13:1

Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

Bakkaahit 17:16

Binaha at agarte ichoow gaasohi tomone la malaaya a nibhaataan. Icho la wihi iche khabto tuumman a kakhaataane, murukh katabaane, jidiche yamhiine, toro la iche ꞌdab ka gubaan.

Bakkaahit 18:10

Jeenteti icho bolokkhi ilkerengeettaas weyti ikanahaan u, foga tolossataane riiraane wihi icho essaan, “Uuwwiy! Uuwwiy! Ilkerengeetta weenoow, Baabiloonoow, ilkerengeetti miig khabtooy! Sahaꞌddoo kalday on sinati Waakh kigooche kitimiy!”

Bakkaahit 18:17

Sahaꞌddoo kalday goya on ka kamurroonka tuumman bar latire.’ “ꞌDooꞌdi koobanohi burbuure itoollo ichoow ki koobano kasohti ichoow ki koobano hil kahaaggicho ichoow ki tuummane chilinkicho bacchaarati beyeet kayamiit foga tolossate.

Bakkaahit 18:19

Icho la a ooyaane uuwwichaane toro ebeer matah iskachibaane, wihi icho yadeehiin, “ ‘Uuwwiy! Uuwwiy! Ilkerengeetta weenoow, kamurroonkicheeda ꞌdooꞌdi koobano khabo, bey ka bacchaarti kamurrowe. Sahaꞌddoo kalday goya on ka walah dakkhan bar latire!