Bakkaahit 16:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Herti Waakhe affarnaatteet wihi baakhuuliche kijire orrah kakhubte. Orrah la miigti iche ꞌdab ka enenyet weyti gubto lasiiche.

Bakkaahit 16:8 ပူးပေါင်းရင်းမြစ်များ

Mattaayo 13:6

Iꞌdaasenyi chiꞌ orrahe soobahte ka, orrahe geeyohaas soobahe gubte. Hiiyyaye laa yihiin gone angageen.

Luuka 21:25

“Orrah ichoow yeyyah ichoow yiyyihimo ba wihi ittaawenye saggi ibeenki ꞌdaꞌddaboot iyitah tuso kasoobahaan. Harra ka, ꞌdooꞌdi harra tuumman bicchehi yeedo ichoow irti biccheete kanaha.

Hilassi Ergaano 2:20

Geeddi ibeenki Kamure khummane toro girmee iitaahan, orrah a luurgiyicha mugꞌdi tateehe, yeyyah laka guꞌduutta koo diige yateeh.

Bakkaahit 14:18

Toro hertoo Waakhe addane antohi ꞌdab khabto koondihi gaꞌdaar kasoobahte. Hooyi buure ka herti warhanti af lehe gurnaan lakagoocho wihi iche itidah, “Warhantaahti af lehe gurnaan lakagoocho khaate, gurnaanki sabiibe harra kijiro soogur. Iꞌdi tahe gurnaanki sabiib a bissaate.”

Bakkaahit 6:12

Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 7:16

Icho jirtuu toro ma ankayaane, jirtuu toro ma subgaataan. Orrah ommos kuleeli uskul, sarticho ma gubo.

Bakkaahit 8:12

Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 9:2

Chirri us afafhi ankhari dahane ieleelin fure ka, uunkoo iꞌdi ki ꞌdabi weyti buurenye labolkicheenye weyti daayan ankhar goya kasoobahe. Uunka ankhara kasoobahe orrah ichoow hafar mugꞌdi kayeele.