Bakkaahit 16:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 16:7 ပူးပေါင်းရင်းမြစ်များ

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 14:18

Toro hertoo Waakhe addane antohi ꞌdab khabto koondihi gaꞌdaar kasoobahte. Hooyi buure ka herti warhanti af lehe gurnaan lakagoocho wihi iche itidah, “Warhantaahti af lehe gurnaan lakagoocho khaate, gurnaanki sabiibe harra kijiro soogur. Iꞌdi tahe gurnaanki sabiib a bissaate.”

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.