Bakkaahit 16:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ꞌDeerka herti Waakhe bicche itolosso ichehi waha elatti daage, “Atihi Munyee, ki toolla jiro, goorat tuumman laka jire, at a fissantahe jeenteti sinayyoha at ꞌdooꞌdi ati kigaran ikagoosse u.

Bakkaahit 16:5 ပူးပေါင်းရင်းမြစ်များ

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Rooma 3:5

Iꞌdaasenyi chirri inno ꞌdooꞌdi khokkhollokkhan nahe waha la saggi Waakh tuum ifissanyahe ꞌdooꞌd rumanka tusaan, mehe nidaaheey? Waakh chuꞌus holiis inno tuso, a khollokkhayyahe nadeeh? Waha abda, an saggi ꞌdooꞌd gaasoo iyeyyeedo iche iyeyyeeda.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 11:17

wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 16:4

Herti Waakhe seyyahnaatteet la wihi baakhuuliche kijire hawohi ꞌdulo ichoow indohi biccheet kakhubte. Icho la urgiyeene, diig yitaaheen.

Bakkaahit 16:7

Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 4:8

Wahanyeyyoha affarenye lasoouume rubey khabo, kooba barbar lihe khaba. Indo la sar tuumman ichoow barbarre iliche ka laka a kakhabaan. Icho la maalim ichoow ibeen ba koloo kalday laka ma nasaane, Waakh on saaꞌdaane, wihi icho essaan, “Kamuri Waakhenye Miig Tuumman Leh, at a munya, at a munya, at a munya! At a Waakkhi goorat tuumman jire, toolla jiro, jirtuu tuumman la soojiro.”

Bakkaahit 6:10

Hooyi buure ka riireene, wihi icho yidaaheen, “Kamuri Miig Tuumman Leh, at a rume toro a munya. Ichoowka maantoh malmassa ꞌdooꞌdi harra kijiro hukkunta, ꞌdooꞌdi goorat diiggeenyo khube aal kagutatta?”