Bakkaahit 16:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 16:14 ပူးပေါင်းရင်းမြစ်များ

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Luuka 2:1

Goorat maantaas Kaaysarhi Agaasta layadeeh amuri ꞌdooꞌdi ili Rooma tuummane us anti lakeekkaacho iche bahche.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Rooma 1:8

Wihi an kasoodaabdi, Waakkhaaya Yeesso Kiriisto ka kalaꞌd ilaaba jeentetiin u. Wihi tahe, saggi atin Yeesso Kiriisto ikakhuuftaan, ꞌdooꞌdi harra kajiro tuumman a cheeka.

2 'Dessaloonika 2:9

Emeetti eta amurre tuumman ꞌdiiꞌddan ichoow hili Seytaan haaggicho a israahaan. Wihi beenaate us enenyet tuso a waha, wihi ittaawenye weeli enenyet yeelin iubaaꞌdan ichoow wahanyeyyohi miigti Waakh tuso ichoow girmo.

1 Timooti 4:1

Rubeyti Munyee saggi ibeenneta ꞌdaꞌddaboot ka ꞌdooꞌd gaasoo Kiriistohi us kakhuufo ikatabo a cheekta. Toro ꞌdooꞌdi rubeyohoo woyaane enenyet ekkeesti iche yeedicho raahaane toro la wihi ginnayyo enenyet abchaan laka raahaan.

Yaakoobo 3:15

Kharati iꞌdee goobi Waakh ma katamiite iꞌdaasenyi a ti harratane, ti wahanyeyyohi Waakh menye, a ti Seytaan.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:3

Binaha matakkoo ka, jiissi omoot keento khabaane, iꞌdaasenyi jiissa omoot keento a samaatte. ꞌDooꞌdi harra kijiro tuumman la girmeeste binaha raahe.

Bakkaahit 16:16

Ginnayyoha ꞌdeerka karnatoha meessi afi Ibiraaniya ka Harmageedo layadeeh ka isikeeneen.

Bakkaahit 16:7

Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 20:8

ulla baha yaafohi harra ꞌdollohiche affarcho kijiro Goog ichoow Magoog layadeeh ekkeesta, ꞌdee yaafoha diho iururicha. Icho la ittaaw ka a geeddi yoohti beyti buure afiche kijiro.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Bakkaahit 6:17

A mehe ibeenki weene Waakh ichoow Heleem enenyet holicho tustaan a yitahye, ayyo ꞌdeerka bahsata?”