Bakkaahit 15:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 15:3 ပူးပေါင်းရင်းမြစ်များ

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

1 Timooti 1:17

Toollaka Karnati jirtuu tuumman jiro, jirtuu iumaatane, indo ka liiargine, Waakkhi keleye, jirtuu tuumman a liinkaanyito toro la a lasaaꞌdo. Aamiin.

Ibiraaniya 3:5

Muusa goorat iꞌdi ilbooy u, eti rumanka hili minki Waakh ka lakakhuufe eheete, ulla wihi Waakh berri sooyadeehe cheeke.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 11:17

wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 14:8

Hertoo Waakhe lammaatteet ꞌdubiche leetimiyye wihi iche tidah, “A massatte! Ilkerengeetti Weene Baabiloon bar a waayte. Ilkerengeetta yaafohi harra tuumman farsoti sabiibe sohoꞌddarriti iche kaassohatte damin a iholisse.”

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 19:16

Kabuuꞌdiis ichoow togooggiis magahane kachiiran, Karnati karnato kussan ichoow Kamuri kamurre kussan.

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 4:8

Wahanyeyyoha affarenye lasoouume rubey khabo, kooba barbar lihe khaba. Indo la sar tuumman ichoow barbarre iliche ka laka a kakhabaan. Icho la maalim ichoow ibeen ba koloo kalday laka ma nasaane, Waakh on saaꞌdaane, wihi icho essaan, “Kamuri Waakhenye Miig Tuumman Leh, at a munya, at a munya, at a munya! At a Waakkhi goorat tuumman jire, toolla jiro, jirtuu tuumman la soojiro.”