Bakkaahit 14:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Bakkaahit 14:7 ပူးပေါင်းရင်းမြစ်များ

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Luuka 17:18

Eta yeelan kalday on menye et addane soonokhte Waakh kooliche mele?”

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

Bakkaahit 16:9

Kuleeli weyti buure enenyet gube, icho la magahi Waakkhi sinayyoha khuccho igafeen. Iꞌdaasenyi icho uskeelicho kasoonokhan ichoow Waakkhi icho weynaachaan ꞌdiiꞌdeen.

Bakkaahit 18:10

Jeenteti icho bolokkhi ilkerengeettaas weyti ikanahaan u, foga tolossataane riiraane wihi icho essaan, “Uuwwiy! Uuwwiy! Ilkerengeetta weenoow, Baabiloonoow, ilkerengeetti miig khabtooy! Sahaꞌddoo kalday on sinati Waakh kigooche kitimiy!”

Bakkaahit 18:17

Sahaꞌddoo kalday goya on ka kamurroonka tuumman bar latire.’ “ꞌDooꞌdi koobanohi burbuure itoollo ichoow ki koobano kasohti ichoow ki koobano hil kahaaggicho ichoow ki tuummane chilinkicho bacchaarati beyeet kayamiit foga tolossate.

Bakkaahit 18:19

Icho la a ooyaane uuwwichaane toro ebeer matah iskachibaane, wihi icho yadeehiin, “ ‘Uuwwiy! Uuwwiy! Ilkerengeetta weenoow, kamurroonkicheeda ꞌdooꞌdi koobano khabo, bey ka bacchaarti kamurrowe. Sahaꞌddoo kalday goya on ka walah dakkhan bar latire!

Bakkaahit 19:5

ꞌDeerka komborti antoot ka hooyoo sooyeede wihi us yidah, “Atinhi ilbooyyetiise tuumman, atinhi usu karoortaan, atinhi rurrucchul ichoow atinhi wewween, taba Waakkheen koolicha.”

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”

Bakkaahit 4:9

Chirbaaw wahanyeyyoha affarenye lasoouume rubey khabo Waakkhi jirtuu tuumman jiro komborti antoot kafiddiyo saaꞌdaane, inkaanyit tusaane, toro la kalaꞌd ilaabaan,

Bakkaahit 8:10

Herti Waakhe seyyahnaatteet arabiche afuufte, bakkaaloo buurenye ꞌdab kabolkho la serey kasoodihe hawohi ꞌdulo ichoow indohi biccheet goya kadihe, goonan seyyah goyaka goonankoo goya kadihe.