Bakkaahit 14:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Hertoo Waakhe addan ꞌdeerka minki Waakhe buure goya kasoobahte, weyti riirte, eti miris kafiddiyo wihi iche itidah, “Warhantaahti gurnaan lakagoocho khaate, gurnaan soogooy, iꞌdi tahe wihi harra ka lasoosuuno a bissateene, kola la sahaꞌddi lasoosuuno a titah.”

Bakkaahit 14:15 ပူးပေါင်းရင်းမြစ်များ

Mattaayo 13:30

Lammacho ba ꞌdiicha a isleebaheene ichoowka ibeenki gurnaan lagoocho. Anna ibeenkaas ka ꞌdooꞌdi gurnaan goocho wihi icho yeelaan a icheeka. Koloo haraam soobbukkhicha, koobbino ka iskaahhida, ꞌdee a lagubo. ꞌDargaayye la soogoocha koondiheey kichiba.’ ”

Mattaayo 13:39

Chiiytanki haraam gos kachibe la a Seytaan. Gurnaanki lagoocho la ibeenki yomboote tusa, ꞌdooꞌdi gurnaan goocho la a herti Waakh.

Mattaayo 23:32

Maantaka taba atin laka iꞌdi aacchinyetiin u, uskeelaas inti icho dabarroocheen buuhicha.

Marko 4:29

Uuꞌ gurnaan bissaati on yamiite warhanti gurnaan lakagoocho ka goocha, a mehe a maanti gurnaanee.”

1 'Dessaloonika 2:16

Icho nahi Wori Haaggane yaafohi Yaꞌhuud ieheynan icheekno ꞌdee Waakh icho ribo laka jeyine ꞌdoonaan. Iꞌda ka la, kol dakkhan uskeelichooda on weyti isibuuraachaan. Kola holi Waakh icho a sooeleele.

Bakkaahit 11:19

ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 13:12

Binahi lammaatteet binahi oraat orcho ka antohiis tuumman walah kadakhte. Binaha lammaatteet la weeli enenyete harra kijiro tuummane ihosse, binahi oraate jiissi omoot keento lasamaache khabe wahtaan.

Bakkaahit 14:14

Ani la yeye orteey ka mirisoo dakhan arge, toro la etoo Ínam Aadam iyoog usuhi mirisaas kafiddiyo arge. Ulla ꞌduubi ꞌdahabe matakkiis kakhaba, warhanti gurnaan lakagoocho la dahane kakhuccha.

Bakkaahit 14:16

Eti miris kafiddiyo warhantiisti gurnaan lakagoocho harra sarche kamoroogiche, harra tuumman iꞌdi gurnaan u soosuune.

Bakkaahit 14:17

Hertoo Waakhe addan goobi Waakh ka minki Waakhe buure kasoobahte, iche laka warhanti af lehe gurnaan lakagoocho khabte.

Bakkaahit 14:18

Toro hertoo Waakhe addane antohi ꞌdab khabto koondihi gaꞌdaar kasoobahte. Hooyi buure ka herti warhanti af lehe gurnaan lakagoocho wihi iche itidah, “Warhantaahti af lehe gurnaan lakagoocho khaate, gurnaanki sabiibe harra kijiro soogur. Iꞌdi tahe gurnaanki sabiib a bissaate.”

Bakkaahit 15:6

Herti Waakhe teebeenye sinayyohi teebee khabto la minki Waakhe buure goya kasoobahte. Icho la gaaddi daddakhane bibbildiikhto khabaane, saabi dafareete duhiis la ki ꞌdahab yahe kach kakhabaan.

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 6:10

Hooyi buure ka riireene, wihi icho yidaaheen, “Kamuri Miig Tuumman Leh, at a rume toro a munya. Ichoowka maantoh malmassa ꞌdooꞌdi harra kijiro hukkunta, ꞌdooꞌdi goorat diiggeenyo khube aal kagutatta?”