Bakkaahit 14:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Ani la yeye orteey ka mirisoo dakhan arge, toro la etoo Ínam Aadam iyoog usuhi mirisaas kafiddiyo arge. Ulla ꞌduubi ꞌdahabe matakkiis kakhaba, warhanti gurnaan lakagoocho la dahane kakhuccha.

Bakkaahit 14:14 ပူးပေါင်းရင်းမြစ်များ

Mattaayo 13:30

Lammacho ba ꞌdiicha a isleebaheene ichoowka ibeenki gurnaan lagoocho. Anna ibeenkaas ka ꞌdooꞌdi gurnaan goocho wihi icho yeelaan a icheeka. Koloo haraam soobbukkhicha, koobbino ka iskaahhida, ꞌdee a lagubo. ꞌDargaayye la soogoocha koondiheey kichiba.’ ”

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Marko 4:29

Uuꞌ gurnaan bissaati on yamiite warhanti gurnaan lakagoocho ka goocha, a mehe a maanti gurnaanee.”

Luuka 21:27

Geeddaakka Ínam Aadam usuhi miris goyaka yamiite, miig ichoow antohi buure khabo argaan.

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

Bakkaahit 1:13

Reemassa dahcho ka, etoo “Ínam Aadam iyooge,” toolla. Eta la kabuuꞌdoo deere ꞌdaꞌddabbe eleelo khaba, kacchiis ka la saabi ꞌdahabe khaba.

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Bakkaahit 10:1

Toro hertoo addane Waakhe miige ichehi goobi Waakh kasookhubatti arge. Iche la mirisoo dakhane kaankubane matakkiche la moose kamarsan. Fooliche la iꞌdi orraheet u a ababa, luhlohiche la a iꞌdi tirrimmeti ꞌdabi buure.

Bakkaahit 11:17

wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 19:12

Indohiis la iꞌdi ꞌdab u a bildiikhaane, matakkiis ka la ꞌduubassi ittaawenye khaba. Sartiis magahoo kachiirane, iꞌdaasenyi usu on garta, et addane wihi magahaas tahe garti mele.

Bakkaahit 20:11

ꞌDeerka kombortoo antoote buurenye dakhane etoo kafiddiyo arge. Harra ichoow sereye ba eta ortiis kafirdeene, iꞌdaasenyi meel icho isiꞌheleen mele.

Bakkaahit 6:2

Ani yeye, orteey ka faraꞌdoo dakhan arge. Eti faraꞌd fuulo la bihine khuccha, toro ꞌduubi antoote lasiiche. Ulla iꞌdi eti chiiytiis soorichuu, bahe ꞌdee chiiytiis sooricha.