Bakkaahit 14:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Uunki bolokkha ꞌdooꞌda latuse jirtuu tuumman sereye ikaha. ꞌDooꞌdi binaha ichoow iyookkotiche wahti ichoow eti tuummane sumatti magahiis ꞌhelo, ibeen ichoow maalim ba nasme ma ꞌhelo.”

Bakkaahit 14:11 ပူးပေါင်းရင်းမြစ်များ

Mattaayo 11:28

Kaaleya ani iamiita, atinhi tuummane geeddi atin huleesi nool siꞌddaan on kuranteen. An a atin naschaa.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Ibiraaniya 1:8

Iꞌdaasenyi Waakh wihi weeliis miinsane us iyidah, “Okkhoow, kombortaahti antoot jirtuu tuumman ma massatti, at la wussaah ka jiti rummaate ꞌdooꞌdaah kadakhatta.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 13:12

Binahi lammaatteet binahi oraat orcho ka antohiis tuumman walah kadakhte. Binaha lammaatteet la weeli enenyete harra kijiro tuummane ihosse, binahi oraate jiissi omoot keento lasamaache khabe wahtaan.

Bakkaahit 13:15

Waakh binaha lammaatteet miigti us iyookkota binahi oraat iyoog neebsi kaafuufo us jiro siicho siiche, ꞌdee iché iyeyyeedin tabuuꞌde, toro la ꞌdooꞌdi iyookko wahan ꞌdiiꞌdo labakkicha.

Bakkaahit 13:17

Iꞌda ka et walah gatti ommos walah ororicho mele sammata us sumatta ikhabin. Sumattaas la a magahi binahi oraate, ommos a sumatti ayti magahiis itolosso.

Bakkaahit 14:9

Hertoo Waakhe seyyahnaatteet ꞌdubicho tabte, hooyi buure ka wihi iche tidah, “Eti tuummane binaha ichoow iyookkotiche wahti, sumatti binaha la miin ommos dahan ka ꞌhele,

Bakkaahit 18:18

Maanti icho uunki ꞌdabi ilkerengeettaas yaham kasoobaho argaan, a riiraane, wihi icho yadeehiin, ‘Injire ilkerengeettoo weene harra ka iꞌdi tane a jirte?’

Bakkaahit 18:9

“Karnatohi harra goorat iche sohoꞌddarri kaleessohte, kamurronkiche leegisme maanti icho uunki ꞌdabi ilkerengeettaas yaham argaan a uuwwichaane iche ooyaan.

Bakkaahit 19:3

ꞌDooꞌd toro riire wihi us yidah, “Okkhoow, weyti kikoolinna! Uunki ꞌdabi ilkerengeeteet jirtuu dakkhan serey on ikaha.”

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 22:5

Ilkerengeetta kola mugꞌdi ma khabto. ꞌDooꞌdi goya kajiro la taa ma ꞌdoono ommos banayhi orraheet ma ꞌdoono. Iꞌdi tahe Kamuri Waakhe rubeytiissa banayhicho yateeh. ꞌDooꞌda tuumman la jirtuu tuumman iꞌdi karnatoot u walahe dakhta.

Bakkaahit 7:12

wihi icho yidaaheen, “Aamiin! Saaꞌdo ichoow weynaan ichoow khara ichoow kalaꞌd ichoow inkaanyit ichoow miig ichoow anto Waakkheenki jirtuu tuumman jiro a muꞌdanyahe. Aamiin!”