Bakkaahit 14:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ An ꞌdeerka yeye, Heleem orteey ka Hali Saayone fuula. ꞌDooꞌdi alif kudoo, alif tomon affar ichoow alif affare usuhi Heleem leejiro laka arge. Waha a ꞌdooꞌdi magahi Heleem ichoow magah Aabbahiis ba miinassicho kachiiranyahiin.

Bakkaahit 14:1 ပူးပေါင်းရင်းမြစ်များ

Luuka 12:8

“Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Rooma 9:33

Iꞌdi liichiiruu, “Yeya, an ilkerengeetti Saayon goya daakkoo enenyet tarraantarricho gessa, waha la a daddaabtoo enenyet lagaꞌddo. Eti tuummane usu rummeeste la, lakhaanyo ma lakadowo.”

Bakkaahit 14:14

Ani la yeye orteey ka mirisoo dakhan arge, toro la etoo Ínam Aadam iyoog usuhi mirisaas kafiddiyo arge. Ulla ꞌduubi ꞌdahabe matakkiis kakhaba, warhanti gurnaan lakagoocho la dahane kakhuccha.

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 15:5

Anna waha ꞌdubicho ka yeye, minki Waakhe buure usuhi goobi Waakh ka fahan arge. Minka la a eemati saggi Waakh ileejiro tusso.

Bakkaahit 22:4

Icho la Waakh fooliis a argaane, magahi Waakh la miinassichooda lakachiira.

Bakkaahit 3:12

Eti tuummane sooricho la minki buurenye Waakkheey ka tirrinki dagaheete kayeela, ulla jirtuu tuumman intaas ma kakaho. Ani la magah Waakkheey ichoow magah ilkerengeetti weene Waakkhaaya usu kachiira. Ilkerengeettaas la a ilkerengeetti weene Yeerusaleeme husube Waakkheey goobiis kasooyagcho. Toro la magaheeyki husub laka usu kachiira.

Bakkaahit 4:1

Waha ꞌdubicho ka toro fooltabchotoo afafhi goobi Waakhe furan arge. Hooyi kootte saggi arabi laafuufo iyeedo an daage toro ileeyeede, wihi us iyidah, “Inta saraat amiite, wihi Waakh gooche inkoo waha kuteen sooyateeh a kituso.”

Bakkaahit 6:8

An yeye, orteey ka faraꞌdoo ulah dakhan arge. Eti fulo magahiis, Omoot iche layadeehe, ꞌdubiis la meessi omooteete sooraahta. Waakh antohi icho enenyeti harra kijiro et affar goyaka koo yagiisiin siiche. Antohaas ka la ꞌdooꞌdi harra kijiro diho ka ichoow nabhayye ka ichoow sugeerre ka ichoow binahi yibaat ka a bakkicha.