Bakkaahit 13:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Binahaas la miigti us ꞌdooꞌdi Waakh kadihaane toro icho kasoorichaan a lasiiche. Binaha la toro antohi us yaafo tuumman ichoow ꞌdooꞌdi fil tuummane ichoow afaf tuumman ichoow ilal tuumman kadakhti laka lasiiche.

Bakkaahit 13:7 ပူးပေါင်းရင်းမြစ်များ

Luuka 4:6

Seytaan la wihi us Yeesso iyidah, “Anto ichoow kamurroonki yaafoha tuumman a kisiicha. Iꞌdi tahe ani liisiiche, eti an siin ꞌdoono la ani on siicha.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Bakkaahit 10:11

ꞌDeerka wihi ani liidah, “Nyaam toro wori Waakhe ꞌdooꞌdi fil ittaawe ichoow ilassi ittaawe ichoow afassi ittaawe ichoow karnatohi ittaawe miinsan cheek.”

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 17:15

Herta Waakh ꞌdeerka wihi iche ani itidah, “Bicchehi kootte at agarte malaaya kafiddiito, ꞌdooꞌdi yeerare ichoow ururreti ittaawe ichoow yaafohi ittaawe ichoow afassi ittaawenye itoollaan.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.