Bakkaahit 13:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:14 ပူးပေါင်းရင်းမြစ်များ

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:1

Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

Bakkaahit 13:15

Waakh binaha lammaatteet miigti us iyookkota binahi oraat iyoog neebsi kaafuufo us jiro siicho siiche, ꞌdee iché iyeyyeedin tabuuꞌde, toro la ꞌdooꞌdi iyookko wahan ꞌdiiꞌdo labakkicha.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 14:11

Uunki bolokkha ꞌdooꞌda latuse jirtuu tuumman sereye ikaha. ꞌDooꞌdi binaha ichoow iyookkotiche wahti ichoow eti tuummane sumatti magahiis ꞌhelo, ibeen ichoow maalim ba nasme ma ꞌhelo.”

Bakkaahit 14:9

Hertoo Waakhe seyyahnaatteet ꞌdubicho tabte, hooyi buure ka wihi iche tidah, “Eti tuummane binaha ichoow iyookkotiche wahti, sumatti binaha la miin ommos dahan ka ꞌhele,

Bakkaahit 15:2

Anna wohoo beytoo buurenye kitaab iyooge ꞌdab lakawarse arge. ꞌDooꞌdi goorat binahi oraat ichoow iyookkoti binahane lahaaggiche sooriche toro ayti magahiis itolosso sooriche ichohi beytaas garabiche toollo arge. Reemassi chiꞌ geeyo ladowo laguꞌddo ꞌhaab layadeehe Waakh icho siiche iche khuccheene,

Bakkaahit 16:13

Ani la ꞌdeerka ginna seyyah rah iyoog arge. Too afi khorojebsi goya kasoobahte, too la afi binahi oraate goya kasoobahte, ti addan la afi eti eti Waákh íyeyyeedo iskaayyeelo goya kasoobahte.

Bakkaahit 16:2

Herti Waakhe oraat la iratte, wihi baakhuliche kijire harra kakhubte. Jiisohoo uskule weyti bolokhe ꞌdooꞌdi sumatti binaat khabo toro iyookkoti binahaas wahte sar kasoofoofeen.

Bakkaahit 18:23

Toro la jirtuu banayhi taa goytaah ma kabolkhaan. Hooyi eti min disti ommos inanti ladiso, jirtuu goytaah ma lakadaago. ꞌDooꞌdaahki bacchaara haaggiche ki harra ka lagarti eheet. Morotaah ka yaafo tuumman a leekkeeste.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.