Bakkaahit 13:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Toro binahoo addane harra goya kasoobahe arge. Binaha iꞌdi heleenkoo u, gaas lamma khabaane, iꞌdaasenyi hooyi iꞌdi ki khorojebseenye kayeede.

Bakkaahit 13:11 ပူးပေါင်းရင်းမြစ်များ

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 13:1

Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

Bakkaahit 13:17

Iꞌda ka et walah gatti ommos walah ororicho mele sammata us sumatta ikhabin. Sumattaas la a magahi binahi oraate, ommos a sumatti ayti magahiis itolosso.

Bakkaahit 13:4

Jeenteti khorojebsi anto binaha isiichuu, weeli enenyet tuumman khorojebsi wahte. Toro binaha laka wahteene, wihi icho worsateen, “Etoo maanta iꞌdi binahee jiraayi? Ayyo kan diho kiiran yabuuꞌd?”

Bakkaahit 16:13

Ani la ꞌdeerka ginna seyyah rah iyoog arge. Too afi khorojebsi goya kasoobahte, too la afi binahi oraate goya kasoobahte, ti addan la afi eti eti Waákh íyeyyeedo iskaayyeelo goya kasoobahte.

Bakkaahit 17:6

Anna makhaabassa diiggi ꞌdooꞌdi Waakh ichoow diiggi ꞌdooꞌdi gar Yeesso laabo tubhubye ichoowka meleefu titah arge. Uus an iche arge ka weyti girmeesde.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.