Bakkaahit 13:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

Bakkaahit 13:1 ပူးပေါင်းရင်းမြစ်များ

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:3

ꞌDeerka girmohoo addan sereyta daayan ka soobaheen. Waha la a khorojebsihoo buurenye guuꞌddane, matah teeba ichoow gaas tomon khabo, matah ba la ꞌduuboo khabo.

Bakkaahit 13:11

Toro binahoo addane harra goya kasoobahe arge. Binaha iꞌdi heleenkoo u, gaas lamma khabaane, iꞌdaasenyi hooyi iꞌdi ki khorojebseenye kayeede.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:15

Waakh binaha lammaatteet miigti us iyookkota binahi oraat iyoog neebsi kaafuufo us jiro siicho siiche, ꞌdee iché iyeyyeedin tabuuꞌde, toro la ꞌdooꞌdi iyookko wahan ꞌdiiꞌdo labakkicha.

Bakkaahit 15:2

Anna wohoo beytoo buurenye kitaab iyooge ꞌdab lakawarse arge. ꞌDooꞌdi goorat binahi oraat ichoow iyookkoti binahane lahaaggiche sooriche toro ayti magahiis itolosso sooriche ichohi beytaas garabiche toollo arge. Reemassi chiꞌ geeyo ladowo laguꞌddo ꞌhaab layadeehe Waakh icho siiche iche khuccheene,

Bakkaahit 16:13

Ani la ꞌdeerka ginna seyyah rah iyoog arge. Too afi khorojebsi goya kasoobahte, too la afi binahi oraate goya kasoobahte, ti addan la afi eti eti Waákh íyeyyeedo iskaayyeelo goya kasoobahte.

Bakkaahit 17:16

Binaha at agarte ichoow gaasohi tomone la malaaya a nibhaataan. Icho la wihi iche khabto tuumman a kakhaataane, murukh katabaane, jidiche yamhiine, toro la iche ꞌdab ka gubaan.

Bakkaahit 17:3

ꞌDeerka herta Waakh isiꞌdde, Rubeyti Waakh iwoyte hidaaddoo igeesse. Intaakka makhaabassoo binahoo guuꞌddan sarche fuusso arge. Binaha sar tuumman ka magahenyeti Waakh iskeekkaasso kachiirane, toro matah teeba ichoow gaas tomone khabaan.

Bakkaahit 17:5

Miintiche la magaha wohoo dagsan itoollo iche kachiiran, Ilkerengeetti Weene Baabiloon, a Abarti Malaayayyoot ichoow Lakhaanyoyyohi Harra.

Bakkaahit 19:19

ꞌDeerka binahi oraat ichoow karnatohi tomonenye harrata ichoow kiyaticho ba ichohi sookulme ꞌdee eti faraꞌd fuulo ichoow kiyatiis dihoti Harmageedo layadeeh kiirti arge.