Bakkaahit 12:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ ꞌDubiis ka, yiyyihimohi saraat goonan seyyah goyaka goonankoo soojiite, harra isookhube. Khorojebsiha weeli makhaabassi kootte soodesso orche tolossate, ꞌdee weel uus dessi yaham.

Bakkaahit 12:4 ပူးပေါင်းရင်းမြစ်များ

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

Bakkaahit 12:7

Goobi Waakh ka la diho a jirte. Herti Waakhe weene Miikayel layadeeh ichoow herticheti Waakhe addan khorojebsi isjaheen. Khorojebsi ichoow hertiis diho geleen.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:2

Binaha an arge kabbile iyoogyahiine, iꞌdaasenyi luhlo a iꞌdi luhlohi binahoo weyti buurenye goffanneti derdeer khabo, af la a iꞌdi afi bahassi. Khorojebsi miigtiis ichoow kombortiis ichoow antohiis binahane siiche.

Bakkaahit 13:4

Jeenteti khorojebsi anto binaha isiichuu, weeli enenyet tuumman khorojebsi wahte. Toro binaha laka wahteene, wihi icho worsateen, “Etoo maanta iꞌdi binahee jiraayi? Ayyo kan diho kiiran yabuuꞌd?”

Bakkaahit 16:13

Ani la ꞌdeerka ginna seyyah rah iyoog arge. Too afi khorojebsi goya kasoobahte, too la afi binahi oraate goya kasoobahte, ti addan la afi eti eti Waákh íyeyyeedo iskaayyeelo goya kasoobahte.

Bakkaahit 17:18

Makhaabassi at agarte, ilkerengeetti weene karnatohi harra tuumman dakhtaane itolossa.”

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.

Bakkaahit 8:10

Herti Waakhe seyyahnaatteet arabiche afuufte, bakkaaloo buurenye ꞌdab kabolkho la serey kasoodihe hawohi ꞌdulo ichoow indohi biccheet goya kadihe, goonan seyyah goyaka goonankoo goya kadihe.

Bakkaahit 8:11

Bakkaala la magahiis Birrakh iche layadeeh. Bicche goonan seyyah goyaka goonankoo birrakhnoweene, ꞌdooꞌdi ittaawe la bakkate jeenteti bicchehuu.

Bakkaahit 8:12

Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 8:7

Herti Waakhe oraat arabiche afuufte, dagahti baraafo ichoow ꞌdabi diig kawarsanyahe harra kasookhubteen. Harra goonan seyyah ka goonankoo ꞌdab massiche. Geeyo goonan seyyah goyaka goonankoo ꞌdab massiche, hoosi ulhaw tuumman laka ꞌdab massiche.

Bakkaahit 8:8

Herti Waakhe lammaatteet arabiche afuufte. Wohoo buurenye ꞌdab yahame iꞌdi haloo buure la beyti buure goya kadiheen. Beye goonan seyyah goyaka, goonankoo diig yitahye,

Bakkaahit 8:9

binahi bey goya kijiro rubey khabo goonan seyyah goyaka goonankoo ꞌdebbeeste, koobano goonan seyyah goyaka goonankoo bar latire.

Bakkaahit 9:10

ꞌDubassicho la a iꞌdi ꞌdubassi arraare enenyet khaniino, ꞌdubassicho goyaka la miigti icho enenyet hay chan tuumman bolokh katusaane khabaan.

Bakkaahit 9:19

Faraꞌdda miigticho aficho ichoow ꞌdubassichooda kijiraan. A mehe ꞌdubassicho a iꞌdi toofassi matahenyeti enenyet bolokh tusso khabto.