Bakkaahit 12:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 12:17 ပူးပေါင်းရင်းမြစ်များ

Mattaayo 28:20

Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

1 Koriinto 2:1

ꞌDooꞌd Kiriistokaaw, maanti an atin iimiyye an runti dagsane Waakh miinsan atin icheeke, an yeedassi burbuure ommos jiti khara ka ma atin leeyyeedin.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

1 Yoohana 2:3

Chirri inno amurretiis raahno, saggi inno rumanka eti Waakh yahe iabanne a garanna.

1 Yoohana 5:10

Eti tuummane saggi Yeesso Weeli Waakh iyahe rummeesti, wihi Waakh essi a rummeesta. Eti tuummane wihi Waakh essi irummeysan la, Waákh eti been lehe kayeele, a mehe wihi Waakh cheeke Weeliis miinsan ma rummeysan gon.

1 Yoohana 5:2

Saggane saggi inno nyaakhuti Waakh iꞌdoonno igaranna, Waakhe ꞌdoonna toro la amurretiis raahna.

Bakkaahit 1:2

Yoohana la wihi us arge tuummane cheeke. Yeedi Waakh ichoow runti Yeesso Kiriisto usu tuse iche chiire.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:16

Iꞌdaasenyi harra makhaabál gargaarte, aficheki furname ka bicchehaas khorojebsi af kasoobahche khorkhisse.

Bakkaahit 13:7

Binahaas la miigti us ꞌdooꞌdi Waakh kadihaane toro icho kasoorichaan a lasiiche. Binaha la toro antohi us yaafo tuumman ichoow ꞌdooꞌdi fil tuummane ichoow afaf tuumman ichoow ilal tuumman kadakhti laka lasiiche.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 17:6

Anna makhaabassa diiggi ꞌdooꞌdi Waakh ichoow diiggi ꞌdooꞌdi gar Yeesso laabo tubhubye ichoowka meleefu titah arge. Uus an iche arge ka weyti girmeesde.

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Bakkaahit 19:19

ꞌDeerka binahi oraat ichoow karnatohi tomonenye harrata ichoow kiyaticho ba ichohi sookulme ꞌdee eti faraꞌd fuulo ichoow kiyatiis dihoti Harmageedo layadeeh kiirti arge.

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.