Bakkaahit 11:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Sarticho la jiti ilkerengeetti weene Yeerusaleeme goorat Kamuricho laka massalaaba lakakaahe iche jiifta. Ilkerengeettaas wihi Waakh miinsan ka ilkerengeetti Soodom ichoow ili Miissiri liiokkanaache.

Bakkaahit 11:8 ပူးပေါင်းရင်းမြစ်များ

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Hilassi Ergaano 9:4

Ulla il guꞌdde, hooyi, “Saawulo! Saawulo, at a iꞌdoh ani sina iomhissa?” idowo daage.

Ibiraaniya 13:12

Yeesso laka iꞌdaase layeele, aritti ilkerengeeteet khariche ka sina tuhuyye, yumuyye, diiggiis ka la ꞌdooꞌdiis munyaache.

Ibiraaniya 6:6

Chirri icho Kiriisto kakhuufin ꞌdiicheen, soolaabinti lasoolaabo ꞌdee icho uskeelicho kasoonokhtaan ma tateeh. Iꞌdi tahe icho toro Weeli Waakhe awtichuu massalaaba kakaahaane, toro usu ꞌdow on ka lakhaanyo kadowaan.

2 Beetero 2:6

Toro la ilkerengeetti Soodom ichoow ti Goomorah baabakki us icho baabiicho igooche, ꞌdab kagube bombey kayeele. Iꞌda ka Waakh icho ꞌdooꞌdi berri jiti us ꞌdoono iraahin iyookko ikayeele.

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 11:9

Maan seyyah ichoow nyuus ꞌdooꞌdi fil tuummane ichoow yaafo tuumman ichoow afaf tuumman ichoow ilal tuumman kayimiy la sarti ꞌdooꞌdane ꞌdeyꞌdoocha, ichohi il liilaabo ꞌdiiꞌdaan.

Bakkaahit 14:20

Gurnaanka sabiib la ilkerengeetti ween kharicheeda lakayabte. Diig intaas gurnaan lakayabte ka ꞌdule, geeddi kiilomitta kud seyyah iꞌdule. Diig la hoggiis geeddi mittatoo ichoow nyuus iche eheet.

Bakkaahit 14:8

Hertoo Waakhe lammaatteet ꞌdubiche leetimiyye wihi iche tidah, “A massatte! Ilkerengeetti Weene Baabiloon bar a waayte. Ilkerengeetta yaafohi harra tuumman farsoti sabiibe sohoꞌddarriti iche kaassohatte damin a iholisse.”

Bakkaahit 16:19

Ilkerengeetti weene Baabiloon meel seyyahe ikharradde, ilkerengeetohi yaafohi harra la bar waayeen. Waakh uskeeli ꞌdooꞌdi ilkerengeetti Baabiloon yeele tuumman ma kadabine, ꞌdooꞌdi ilkerengeetta farsoti sabiibe kokkoob buuhto holi Waakh itolosso siiche.

Bakkaahit 17:1

Herti Waakhe teebeenye baakhuulle khabto goyaka, too itimiyye wihi iche ani itidah, “Kaale, hukkunki Waakh malaayata weene bicchehi ittaawe kafiddiito igoocho a kituso.

Bakkaahit 17:18

Makhaabassi at agarte, ilkerengeetti weene karnatohi harra tuumman dakhtaane itolossa.”

Bakkaahit 17:5

Miintiche la magaha wohoo dagsan itoollo iche kachiiran, Ilkerengeetti Weene Baabiloon, a Abarti Malaayayyoot ichoow Lakhaanyoyyohi Harra.

Bakkaahit 18:10

Jeenteti icho bolokkhi ilkerengeettaas weyti ikanahaan u, foga tolossataane riiraane wihi icho essaan, “Uuwwiy! Uuwwiy! Ilkerengeetta weenoow, Baabiloonoow, ilkerengeetti miig khabtooy! Sahaꞌddoo kalday on sinati Waakh kigooche kitimiy!”

Bakkaahit 18:18

Maanti icho uunki ꞌdabi ilkerengeettaas yaham kasoobaho argaan, a riiraane, wihi icho yadeehiin, ‘Injire ilkerengeettoo weene harra ka iꞌdi tane a jirte?’

Bakkaahit 18:2

Herta Waakh hooyi buure ka riirte, wihi iche tidah, “A massatte! Ilkerengeetti Weene Baabiloon bar a waayte! Furi ginnayyoot ichoow furi meleykayyoote titahye, chimbirohi biꞌdirreenye toro weyti laꞌdiiꞌdo kola intaas igela.

Bakkaahit 18:21

ꞌDeerka hertoo Waakhe weyti miige daddaabtoo iꞌdi daddaabti buurenye gurnaan lakatumee okkhisse, bey goya isaate, wihi iche tidah, “Miigti buurenye iꞌdee ka, ilkerengeetti weene Baabiloon a lasoolugꞌda, yombuu la toro ma laꞌhelo.

Bakkaahit 18:24

Diiggi ꞌdooꞌdi Waákh íyeyyeedo ichoow diiggi ꞌdooꞌdi Waakh ichoow ꞌdooꞌdi harra ka labakkiche tuumman goyticheeda lakeele.”